王牌冰室 (九龍貿易中心) (Closed)

一年前喺附近做嘢，食過一次午餐，嗰陣都係食呢個滑蛋叉燒蝦仁飯，整體中規中矩，味道可以，正常冰室茶記質素。今日同屋企人食完，真心覺得送比我都唔會食…🤢🤮🤮首先嗌凍檸茶少甜，佢攞杯正常甜度既凍檸茶比我，仲想矇混過關，根住我同佢講完，佢就求其拎走8成既冰，跟手加水換比我就算😖我杯凍檸茶就無啦啦變左室溫檸茶，成個感覺已經好差…之後個飯，叉燒同滑蛋係正常，但一啖食個蝦仁…係臭既🤮🤮🤮🤢我即刻嘔返出嚟，即刻同佢投訴，跟住佢就換另外一份餐俾我，”爆香蔥油煎蛋豬扒撈公仔麵”, ，丁咁多葱油，亦都冇葱油應有既香味，個汁係冇味既….望翻佢店舖裏面，大大隻字寫住”是是旦旦叉燒蛋飯” ，果然貼題，夠哂是旦🙄🙄🙄早知樓上三哥好過，起碼質素有保證。