Video
Read full review
2023-07-16
190 views
1. 座位安排次序不合理當晚攞飛排隊既有3台客，我係第一台2人，另外第二台3人，第三台2人。排左20分鐘，裡面有4個食客埋單離開，理應係我地第一台客入，但個肥女staff竟然安排左第二台3人先入。然後我要再等多10分鐘先安排到入座。如果佢地係卡位既話，我明(但都唔應該)。但佢地唔係，全部係可以移得開既2人枱，咁點解唔係2人既我地先入？然後再安排第三台既2人一齊入呢？而係俾左張3人排我後面既入左先呢？2. 店鋪環境如果本身係設計對動物友善既餐廳，理應喺座位設計上一定會預留足夠空間。但成間鋪既枱櫈密密麻麻，就連佢地最瘦既staff要行去窗邊既位，都係要攝過去，咁究竟點能夠做到動物友善呢？同時對食客，喺咁狹窄既環境亦令到成個體驗係非常差，因會好擔心後面攞住一碟碟餸既職員經過時，會唔會倒瀉落自己度而要左閃右避。3. 食物當晚叫左個青咖哩牛，都理解唔到點樣可以做到連牛肉都有騷味，蒜蓉包同串燒完全係凍既…只有生蝦叫左好食。4. 埋單呢間野我係透過喺Foodie 社交媒體網站介紹，個度寫明，只要show個post俾佢地睇，就可以享有滿$400減$50。但講真，你呢d其實係一個推廣，好心唔好咁孤寒，用
當晚攞飛排隊既有3台客，我係第一台2人，另外第二台3人，第三台2人。
排左20分鐘，裡面有4個食客埋單離開，理應係我地第一台客入，但個肥女staff竟然安排左第二台3人先入。然後我要再等多10分鐘先安排到入座。如果佢地係卡位既話，我明(但都唔應該)。但佢地唔係，全部係可以移得開既2人枱，咁點解唔係2人既我地先入？然後再安排第三台既2人一齊入呢？而係俾左張3人排我後面既入左先呢？
2. 店鋪環境
如果本身係設計對動物友善既餐廳，理應喺座位設計上一定會預留足夠空間。但成間鋪既枱櫈密密麻麻，就連佢地最瘦既staff要行去窗邊既位，都係要攝過去，咁究竟點能夠做到動物友善呢？同時對食客，喺咁狹窄既環境亦令到成個體驗係非常差，因會好擔心後面攞住一碟碟餸既職員經過時，會唔會倒瀉落自己度而要左閃右避。
3. 食物
當晚叫左個青咖哩牛，都理解唔到點樣可以做到連牛肉都有騷味，蒜蓉包同串燒完全係凍既…只有生蝦叫左好食。
4. 埋單
呢間野我係透過喺Foodie 社交媒體網站介紹，個度寫明，只要show個post俾佢地睇，就可以享有滿$400減$50。但講真，你呢d其實係一個推廣，好心唔好咁孤寒，用口講埋俾其它客知。眼見佢地收錢時，絕大部份客都唔知呢個優惠。到我埋單，要同佢地講，佢先會話咁幫你減返$50。唔可以話佢地欺騙，但就唔老實，對消費者唔公平，要出聲先有得減。
總括黎講，如果你揾唔到邊間好食，都唔好夾硬去食呢間，由環境、到入座安排、以致食物質素，都只係會得到個非常差既經驗。
Post