Video
Read full review
2020-11-01
115 views
從來未食過咁垃圾嘅一間店覺得多只可以直接跳去下面筷子圖案嗰度開始睇，睇吓呢間舖頭點樣呃人。無論係環境，服務態度定係食物質素，都係我有史以來食過最差嘅。話說行過創興，見到呢間野棟咗好大個牌寫住9點後178up，仲寫住10:30後再有八折跟住就上OpenRice睇吓呢間店嘅食評，頭果幾個食評全部都係讚不絕口，但係上到去門面即刻覺得一啲都唔吸引，本身諗住上多一層睇吓有冇嘢食，當時係夜晚10:00。之後舖頭門口個哥哥就嗌我哋入去食啦有韓燒火鍋雙拼，之後我同朋友都有啲猶豫，都係諗住轉身上多一層睇吓先，跟住門口個哥哥就再話計返我哋$178再比多個八折我哋，我哋見咁抵， OpenRice又幾多好評，諗住試吓啦，入到去見到都唔算多人，都即刻覺得好似伏伏地，坐低咗之後行出去睇，真正燒嘅嘢食唔多，而且好污糟，環境好差，話有海鮮但係海鮮只係得一兜仔，仲要係將啲魚呀三文魚呀嗰啲海鮮類放埋一齊就當係話有海鮮食，放到好似人哋食淨嗰啲嘢咁樣一堆魚肉堆埋一齊，夾野嗰啲鉗又癡粒粒，放嘢食嗰啲玻璃又癡粒粒咁，跟住都諗住算啦都入咗去，試吓囉，點知個姐姐幫我哋執枱嘅時候換過枱面上面嗰個鐵板，比我見到個鐵板下面有上一手燒完既一
跟住就上OpenRice睇吓呢間店嘅食評，頭果幾個食評全部都係讚不絕口，但係上到去門面即刻覺得一啲都唔吸引，本身諗住上多一層睇吓有冇嘢食，當時係夜晚10:00。之後舖頭門口個哥哥就嗌我哋入去食啦有韓燒火鍋雙拼，之後我同朋友都有啲猶豫，都係諗住轉身上多一層睇吓先，跟住門口個哥哥就再話計返我哋$178再比多個八折我哋，我哋見咁抵， OpenRice又幾多好評，諗住試吓啦，入到去見到都唔算多人，都即刻覺得好似伏伏地，坐低咗之後行出去睇，真正燒嘅嘢食唔多，而且好污糟，環境好差，話有海鮮但係海鮮只係得一兜仔，仲要係將啲魚呀三文魚呀嗰啲海鮮類放埋一齊就當係話有海鮮食，放到好似人哋食淨嗰啲嘢咁樣一堆魚肉堆埋一齊，夾野嗰啲鉗又癡粒粒，放嘢食嗰啲玻璃又癡粒粒咁，跟住都諗住算啦都入咗去，試吓囉，點知個姐姐幫我哋執枱嘅時候換過枱面上面嗰個鐵板，比我見到個鐵板下面有上一手燒完既一堆油漬，問佢佢話冇得清走，就咁放塊新嘅鐵板上去就繼續俾人燒，見到都反晒胃...不過可能去其他嘅舖頭都係咁，只係呢間打開咁岩比我見到，但係真係好難接受，不過當時已經拎晒嘢食返枱面，所以都局住要食，啲嘢食真係令我冇失望，真係好唔掂，啲肉完全冇醃過，又唔新鮮，都算。咁就吾好改個名叫韓牛啦，一定唔係囉。出邊啲甜品種類啲煎炸野就比較多，但係講真出去食韓燒點會食得多呢啲嘢，而且啲甜品個樣都唔係好掂。所以最後只係燒咗幾樣嘢食，到到11點左右，佢哋就話埋咗單先，一拎張單過嚟兩個人$410，見到佢收我哋係$228加一再八折咁。我哋都即刻呆咗即刻同佢理論啦，同佢講番話門口個哥哥同我哋講話係$178仲有幾個八折，點知佢話幫我哋了解過話門口嗰個哥哥自己冇講過，咁我哋就問佢咁樓下大大塊嗰個牌寫住$178係咩意思，佢竟然答我$178係唔包韓燒... 我真係當堂呆咗，你咁大間韓燒舖頭，大大塊牌喺樓下寫住話$178，點知你同我講$178唔係韓燒價錢？仲要大大聲叫我可以去返門口嗰度睇返佢哋有價錢牌。如果門口個哥哥唔係同我哋講話收返我哋$178嗰個價錢嘅話，我一定睇吓價錢表先至入你間舖頭啦，你門口個哥哥唔認數都唔緊要，如果嘢食係好食嘅我都覺得姐，已經唔好食又污糟環境又差，啲職員態度又差，仲要同我講你而家樓下塊廣告牌嘅$178唔係韓燒價錢？但係問題係你成間鋪夜晚都淨係做韓燒喎。。之後我都唔想再同佢講，既然一間舖頭選擇咁樣講大話去呃一個客人入去食嘢，咁樣永遠唔會有回頭客，亦唔會得到客人嘅信任，咁樣落去嘅話等執粒啦。一間嘢食又難食，環境又差，職員態度又差，仲要呃人嘅舖頭，真係永遠唔會再去食！
4 views
0 likes
0 comments
Post
