Video
Read full review
2018-01-25
127 views
黎到登龍街，喺芸芸拉麵店之間要揀一間食本黎就唔容易，見係尖咀成日有人喺門口排隊呢間諗住實無死，點知咁都可以中大伏一入門口都仲感覺還好，第一個感覺係好香嘅燒肉味坐低落單，選擇都算多，不過都係大路野，分別都係辣唔辣，有幾辣，加蛋，加紫菜，加肉特盛咁上下等到麵黎左，先講唔辣果碗，湯底唔錯唔係得個咸字，有香味辣果碗，辣味冚左本黎嘅豬骨湯香味，成碗變得普通左再講舊肉，通常人地燒肉捲埋煮完燒完再切，所以係圓形同肥瘦均勻啲，呢舊係成大條肥膏係側邊，即時覺得好肥膩，而且浸完落湯，燒出黎嘅香味無左大半，口感都唔覺有點燒過，同原先入門口聞到嘅燒肉味扯唔上關係，感覺上落差有啲大再講埋隻蛋，好食嘅蛋即時令碗麵嘅感覺提升，但呢度隻蛋……?基本野都未做好，竟然係熟左一啲都唔流心!豚王一風堂呢啲做開嘅一定唔會係隻蛋出事，估唔到呢間咁嘅野連隻蛋都搞唔掂，垃圾其他野食，招牌餃子有落漿整個網底，口感算唔錯，不過無乜特別炒野菜，人地炒椰菜佢炒芽菜，有幾多人會鍾意? 不過呢樣睇個人，不予置評最後，講最唔滿意，講侍應態度我落左一客餃子，再發現新會員有優惠價第一個走黎，我問落左單可唔可以轉番優惠券，佢話唔可以，Fine咁我咪加，
一入門口都仲感覺還好，第一個感覺係好香嘅燒肉味
坐低落單，選擇都算多，不過都係大路野，分別都係辣唔辣，有幾辣，加蛋，加紫菜，加肉特盛咁上下
等到麵黎左，先講唔辣果碗，湯底唔錯唔係得個咸字，有香味
辣果碗，辣味冚左本黎嘅豬骨湯香味，成碗變得普通左
再講舊肉，通常人地燒肉捲埋煮完燒完再切，所以係圓形同肥瘦均勻啲，呢舊係成大條肥膏係側邊，即時覺得好肥膩，而且浸完落湯，燒出黎嘅香味無左大半，口感都唔覺有點燒過，同原先入門口聞到嘅燒肉味扯唔上關係，感覺上落差有啲大
再講埋隻蛋，好食嘅蛋即時令碗麵嘅感覺提升，但呢度隻蛋……?基本野都未做好，竟然係熟左一啲都唔流心!
豚王一風堂呢啲做開嘅一定唔會係隻蛋出事，估唔到呢間咁嘅野連隻蛋都搞唔掂，垃圾
其他野食，招牌餃子有落漿整個網底，口感算唔錯，不過無乜特別
炒野菜，人地炒椰菜佢炒芽菜，有幾多人會鍾意? 不過呢樣睇個人，不予置評
最後，講最唔滿意，講侍應態度
我落左一客餃子，再發現新會員有優惠價
第一個走黎，我問落左單可唔可以轉番優惠券，佢話唔可以，Fine
咁我咪加，佢又話一份好大份驚我食唔晒，好似我自己唔知要食幾多咁，結果隔一陣再加
第二個黎，就話優惠只可以用一次，再重覆兩次，好似質疑我用過個優惠咁
總括黎講，呢度伙計好畀到我茶記嘅感覺，真係不如自己黎好過
加上野食又唔係有驚喜，實在諗唔明點解值得有咁多人排住去食佢? 唔通因為都未食過所以慕名而來?
睇唔透，只可以話霸嗎? 霸什麼?
Post