THE COFFEE ACADEMÏCS (K11 Musea) (Closed)

成日經過K11 Musea 見到好多人食呢間THE COFFEE ACADEMIS,好適合放假想搵個地方坐下享受吓me time嘅我。餐廳環境好好，椅凳夠舒適，型格裝修以歐陸風設計。DINNER SET抵食，包埋湯/沙律、主菜、小食、甜品，仲可以配搭飲品。是日餐湯系番茄雜菜湯，酸酸哋好開胃。小食我揀咗蟹肉野菜餅新鮮滾熱辣非常香口，蟹肉份量多，配沙律菜同千島醬。主食系脆煙腩蛋黃汁意粉入口勁creamy,豐富嘅蛋黃汁撈意粉，意粉掛汁口感煙韌，脆煙腩薄脆香口，同意粉好夾。甜品加個黑森林蛋糕賣相吸引，蛋糕質地細膩柔軟，甜度正好，配埋杯熱英國茶，感覺好好。