和藏 (Closed)

呢到座位闊落，適合同朋友飲酒食野，傾下計。所有食物即叫即整，坐係吧台位仲可以睇到料理既過程。廚房空間唔算太大，但佢地分工合作得幾好，會留意住客人既進度黎上菜。吉列明太子雞翼 $58外皮好酥脆，夠juicy，搭配明太子，有微辣既感覺。季節壽司盛合🎏壽司8件🍣卷物3件 $588有帆立貝、蜜金鯛、赤身、深海池魚、穴子、中拖、甜蝦、海膽等。帆立貝切開一半平放，但都掩蓋唔到佢既厚度，好鮮甜。中拖油脂非常甘香，完全無筋。蒲燒新鮮鰻魚 $68 🍢鹽燒牛舌芯 $78鰻魚肉質軟綿，唔會太油膩。牛舌芯厚切，口感爽嫩。宮崎A4和牛壽喜燒 $338和牛油脂好靚，肉質柔嫩。壽喜燒底做得唔錯，唔會太甜，鍋內有滿滿既菜、豆腐、菇，幾豐富。五卵卡邦尼烏冬 $198五卵係明太子、海膽、烏魚子、雞蛋、三文魚子，搭配卡邦尼幾特別，加埋烏冬滑捋捋既口感又幾match。我同朋友閒談中，廚師仲請左我地食炭燒鱈魚乾😋最後仲有雪糕送，好濃香既抹茶味同軟滑。