room 3

Open Now

Now Closed

好鍾意位於尖沙咀H Zentre內嘅呢間日式gastrobar "room 3"！Room 3裝潢走古典優雅路線，結合傳統日本竹林特色及現代摩登裝修風格，非常打卡！私隱度都好高，毫不嘈吵，可以一邊食燒鳥，一邊把酒談心，放鬆一下！Room 3供應唔少日系雞尾酒，好多都好特別。Geisha Story ($150)呢杯果香十足，甜甜地好容易入口。Emperor($160)Emperor出場，當然要氣勢過人，哈哈。Cocktail放在木盒內，一打開木盒就立即煙霧彌漫，底下打咗燈，非常搶眼。呢杯係Whisky based，比較適合男人嘅口味。溫泉蛋培根吻魚仔野菜沙律沙律菜新鮮爽脆，溫泉蛋一切就非常流心，加吻魚仔增添鹹香。泡菜牛舌牛舌好入味，混和泡菜辣辣地，好送酒。吉列蠔吉列蠔串燒炸漿好簿，炸到外脆內嫩，上面加咗蛋黃醬同木魚絲，好惹味。免治雞肉棒雞肉調味唔錯，蘸上日本蛋黃，口感更加軟滑。海膽帆立貝海膽鮮甜唔腥，放上新鮮柔軟嘅帆立貝上，雙重鮮味迸發，幸福嘅感覺。松葉蟹明太子冷烏冬烏冬口感彈牙，每條都沾滿明太子醬，口感creamy。面頭仲放咗慷慨嘅松葉蟹肉及青瓜絲，既令味道更加豐富，亦更加清新消暑。