Foxglove

Open Now

Now Closed

上次睇醫生路過附近有間型格餐廳，今晚跟同事放工一齊去試試。一入到門口被一齊排遮櫃吸引住，各款遮款整齊排列在左右兩邊玻璃櫃內，而且遮款非常特別，款式摩登。之後店員在我們面前表演魔術一樣突然在遮筒打開機關，面前遮櫃慢慢打開，內裏好像另一個世界一樣，望真一點原來就是餐廳酒吧合於一身的餐廳，設計真的別有洞天。餐廳原來主打中式點心，望落款式材料比較特別，而且茶款都是每人可以各自選取自己喜愛的，一人一壺，非常貼心。水晶野菌包外皮晶瑩剔透，內裏餡料豐富，多款野菌，唐芹切碎做餡，鮮味十足，健康之選。原隻鮮蝦餃一口一隻，大細剛剛好，鮮蝦爽口鮮甜，肉質彈牙，不錯喔！炸蝦多士蝦多士炸到金黃色，入口酥脆，蝦膠鮮美，不過如果蝦膠可以再多一點口感應該更加豐富，值得一讚多士炸得非常乾身，一點都不油膩👍🏻脆脆炸蝦腸軟滑腸粉包住香脆炸蝦卷，腸粉滑溜溜而且充滿米香味，炸蝦卷香口酥脆，蝦肉爽彈，加上甜豉油，真的十分滋味。安格斯牛肉千絲酥千絲酥外層酥香脆口，內裏牛肉餡料用洋蔥炒過，肉味香濃鮮甜，令人一食停不了口。麻辣小籠包紅色的外型十分吸睛，入口湯汁澎湃，要小心進食，肉饀鮮味香辣，麻辣味香濃，估唔到麻辣味跟小籠包如此匹配。