Video
Read full review
2015-08-19
2484 views
COEDO呢個啤酒品牌之前喺超級市場已見過，只知係日本啤酒，但始終未有買嚟飲嘅念頭。但從雜誌知道喺香港開咗世界上第一間BAR,可以品嘗到新鮮手工啤，梗係第一時間約齊人去試吓。 欣賞日本餐廳簡約時尚嘅禪味，BAR分室內外兩部分，室內行CYBER路線，BAR枱似壽司吧設計。室外座位更無拘無束，但相信秋冬時份比較清爽舒服。最令人驚嘆係洗手間非常貼心，連嗽口水同紙杯同準備埋，可媲美酒店水準👍👍 一場嚟到梗係要試吓COEDO BEER PLATTER($100),一SET 有5款口味。就係喜歡日本人對每件事嘅認真態度👍店員好細心先奉上一張CATALOG,再放五杯啤酒上去，確保唔會混淆。每一款口味嘅原材料、風味同酒精濃度有好詳細嘅介紹，店員仲提議我哋由淡味啤酒依次飲到濃味，可以品嘗到每款啤酒嘅特性。 有酒豈可無餚？COEDO提供和風小食串燒，比起其他BAR更精緻用心。鍋仔燒大蝦($138/4隻)蝦肉新鮮彈牙，配以香草汁，墊底有炒乾葱同蘑菇片，吸收晒蝦汁仲好味。炸原隻薯仔片($38)用新鮮薯仔切成波浪紋再炸，好明顯唔係雪藏貨可比，薯仔味天然兼有少少薯肉嘅煙韌，
COEDO呢個啤酒品牌之前喺超級市場已見過，只知係日本啤酒，但始終未有買嚟飲嘅念頭。但從雜誌知道喺香港開咗世界上第一間BAR,可以品嘗到新鮮手工啤，梗係第一時間約齊人去試吓。
欣賞日本餐廳簡約時尚嘅禪味，BAR分室內外兩部分，室內行CYBER路線，BAR枱似壽司吧設計。室外座位更無拘無束，但相信秋冬時份比較清爽舒服。最令人驚嘆係洗手間非常貼心，連嗽口水同紙杯同準備埋，可媲美酒店水準👍👍
一場嚟到梗係要試吓COEDO BEER PLATTER($100),一SET 有5款口味。就係喜歡日本人對每件事嘅認真態度👍店員好細心先奉上一張CATALOG,再放五杯啤酒上去，確保唔會混淆。每一款口味嘅原材料、風味同酒精濃度有好詳細嘅介紹，店員仲提議我哋由淡味啤酒依次飲到濃味，可以品嘗到每款啤酒嘅特性。
有酒豈可無餚？COEDO提供和風小食串燒，比起其他BAR更精緻用心。
鍋仔燒大蝦($138/4隻)
蝦肉新鮮彈牙，配以香草汁，墊底有炒乾葱同蘑菇片，吸收晒蝦汁仲好味。
炸原隻薯仔片($38)
用新鮮薯仔切成波浪紋再炸，好明顯唔係雪藏貨可比，薯仔味天然兼有少少薯肉嘅煙韌，好似日本JAGABEE專門店出品一樣好味。
免治雞肉玉子燒($58)
嫩滑豐滿玉子燒，包裹住JUICY免治雞肉配爽甜蘿蔔茸，雞肉冶味鬆化，比起築地名店都豪不遜色。
自家制豆腐($60)
用筲箕盛載嘅豆腐，豆味濃同黏身，就咁食本身已經好有風味，加少少薑茸、葱花同豉酒，滿有懷石料理感覺。
白芝麻布甸($40)
濃郁芝麻布甸，除咗嫩滑，少甜味，仲混入芝麻碎，香甜有口感。
COEDO BEER WASHED CHEESE($90)
聲稱用SHIRO@COEDO嚟發酵嘅芝士配法包，芝士味濃郁帶少少苦，配啤酒一流。(太快食晒無影相)
另有其他串燒都好出色但由於一上枱已入晒五臟廟所以無相提供。
由於季節性問題，現時只提供5款COEDO手工啤,到9月會再多兩款。除COEDO手工啤外，店方仲提供另外五款，包括香港、蘇格蘭、紐西蘭、加拿大同丹麥嘅手工啤酒，一次過滿足啤酒迷嘅願望。
Other Info. :
由於COEDO BEER PLATTER每晚限量供應，如果想試要早啲去
(The above review is the personal opinion of a user which does not represent OpenRice's point of view.)
Post
