Video
Read full review
2015-11-27
4499 views
先後試過好幾間酒吧餐廳，發覺唔單止靠賣酒賺錢，就連做菜嘅水準亦好高，所以，以往歡樂時光嚟嘅客人多數只喺飲吓酒，傾吓偈，依家就見多咗人嚟食飯、聚餐，而且，更多嘅喺三、五成群嘅女生 。最近，又發現到一間做菜好有水準嘅酒吧餐廳，名字好有趣，叫「彌敦左岸」。地鋪面積細細，清吧格局俾人飲吓嘢，但上到樓上，環境就截然不同，淨喺飲酒又得，用餐食飯都得。餐廳尾設置一個舞台，據店員講晚上8:00後有樂隊助慶，絕對甚有氣氛 。初初仲以為去到舞台位置，就喺餐廳盡頭，原來別有洞天，如果唔喺去一去洗手間，真唔知舞台側仲有幾組枱，位置較隱蔽，私隱度高，好有自成一角嘅感覺；都仲未算，再行入啲，有個小型娛樂區，有足球機，有美式卓球，裡面亦有一排梳化椅，真喺同朋友嚟食吓嘢，吹吓水，篤吓波，都不知幾爽 。既然喺酒吧，佐酒嘅小食固然唔少得啦，此外，其他食物款式亦有好多選擇，包括沙律、餐湯、意大利飯、意粉、薄餅……等等，睇完之後你都會覺得款式都偏向意菜口味。 凱撒沙律配蘇格蘭煙三文魚 $98 凱撒沙律做得簡化少少，就喺蛋黃醬撈勻羅馬生菜，再加點即刨嘅巴馬臣芝士及麵包粒，食起嚟清爽而唔會太濃重，反而，煙三文落得唔手
地鋪面積細細，清吧格局俾人飲吓嘢，但上到樓上，環境就截然不同，淨喺飲酒又得，用餐食飯都得。
餐廳尾設置一個舞台，據店員講晚上8:00後有樂隊助慶，絕對甚有氣氛 。
初初仲以為去到舞台位置，就喺餐廳盡頭，原來別有洞天，如果唔喺去一去洗手間，真唔知舞台側仲有幾組枱，位置較隱蔽，私隱度高，好有自成一角嘅感覺；都仲未算，再行入啲，有個小型娛樂區，有足球機，有美式卓球，裡面亦有一排梳化椅，真喺同朋友嚟食吓嘢，吹吓水，篤吓波，都不知幾爽 。
既然喺酒吧，佐酒嘅小食固然唔少得啦，此外，其他食物款式亦有好多選擇，包括沙律、餐湯、意大利飯、意粉、薄餅……等等，睇完之後你都會覺得款式都偏向意菜口味。
凱撒沙律配蘇格蘭煙三文魚 $98 凱撒沙律做得簡化少少，就喺蛋黃醬撈勻羅馬生菜，再加點即刨嘅巴馬臣芝士及麵包粒，食起嚟清爽而唔會太濃重，反而，煙三文落得唔手緊，份量頗多，而且夠晒煙燻香，又帶點油潤。
凱撒沙律配蘇格蘭煙三文魚
$98
19 views
0 likes
0 comments
意大利雜菜湯 $48 好多人覺得意大利雜菜湯好普通，其實，做得正宗、足料真喺可以好好飲，記得有次晌外國旅行，就飲過一碗令人難忘嘅雜菜湯。今次晌度飲到嘅，可謂絕不失禮，湯味酸香卻有一份菜蔬嘅新鮮感，而且，一啲都無寡嘅感覺，好似飲啲菜蔬精華 。
意大利雜菜湯
$48
26 views
0 likes
0 comments
法式龍蝦湯 $68 未入口，聞都聞得到嗰朕蝦香味，個龍蝦湯真喺好對辦，色澤橙紅，鮮蝦味極之濃郁，口感順滑，湯內又有少許龍蝦肉，所以，個湯稱得上真材實料。
法式龍蝦湯
$68
39 views
0 likes
0 comments
北海道鮮帶子煙肉露筍蒜片鮑魚汁扁意粉 $148 雖然個賣相就做得無咁靚，擺碟比較亂，但味道及材料搭夠，以鮑魚汁煮意粉，已經喺個賣點，加埋北海道鮮帶子，就更加有吸引力。扁意粉實在煮得有水準，煙韌咬口而入味，而3大粒鮮帶子，極具份量，肥大肉厚，鮮嫩爽口 ，配合埋煙肉、露筍、蒜片，令口感同味道都變得層次多咗，值得推介嘅菜式。
北海道鮮帶子煙肉露筍蒜片鮑魚汁扁意粉
$148
39 views
0 likes
0 comments
黑松露菌醬野菌比薩 $138 擔心唔夠飽肚，所以點咗一客薄餅，睇到佢個餐牌個成份咁寫：「黑松露醬、野菌、莫薩里拉芝士、白松露油、洋蔥、火箭菜、俄勒崗」，如果個批底唔差，真喺無得輸咁滯。的而且確，個薄餅真喺超正，薄底，雖然唔喺「餅乾底」，但邊位好脆，批心軟綿，而味道真喺既幽香，又豐富，菌香紛陳，混和埋綿香嘅莫薩里拉芝士，實在回味 。
黑松露菌醬野菌比薩
$138
38 views
0 likes
0 comments
雖然我哋對酒品一般般，但嚟到啲酒吧餐廳，就蠻喜歡試吓佢哋啲無酒精雞尾酒，左溝右溝，偶有驚喜。由於歡樂時光去到9:00pm，所以，一般嚟食晚餐都可以用到個非歡樂時光價享用各類飲品。
Mint Pineapple Cooler $48（$68/Non-Happy Hour） 小弟要咗杯以菠蘿汁、薄荷糖漿、梳打水打成嘅特飲，菠蘿汁喺小弟嘅心水果汁，加入薄荷糖漿，甜蜜中有份涼快爽意，一邊食住件薄餅，一邊飲住杯特飲，「梳肝」到爆 。
Mint Pineapple Cooler
$48
27 views
0 likes
0 comments
依一杯「驚喜」成份有新觧士多啤梨、菠蘿汁、士多啤梨糖漿、牛奶，以其質感，應該喺加冰打成，因為好似沙冰咁，冰凍，富果香，雖未至驚喜，但同樣唔錯。
蒲吧唔一定唔正經，好似三五知己嚟「彌敦左岸」，滴酒不沾，一樣可以食得滿意，飲得開心。再者，氣氛熱鬧，有活力，招呼又唔錯，食物嘅份量、質素絕對令人覺得物有所值 。
Post
