城中鴨子

Open Now

Now Closed

城中鴨子一向好難排隊，要6:30前拎飛仔，但當飛仔拎晒之後又無得上網睇叫號，有時又一次過叫10個號碼，有時又半個鐘先一個號碼，所以極之難等。今日都等左45分鐘先入座。入座前會幫客人落左烤鴨先，坐低先用QR code慢慢叫其他野食。今日叫宮保雞丁、蒜泥白肉、煎窩貼同埋半隻烤鴨。宮保雞丁好香口、好夠熱又惹味，係覺得有啲太濕同埋花生有啲林左；蒜泥白肉就咸左啲，啲醬料太濃味，不過白肉夠爽又夠薄，青瓜新鮮，吃落都好清新；窩貼熱辣辣，皮唔算厚，底煎得好香脆，肉餡鮮味，重有好多湯汁呢，呢幾樣野都好有水準，不得不提當然係主角烤鴨，雖然上枱時係熱的，但好快就俾冷氣吹到凍晒，連皮都好快硬埋，鴨就肯定係冰鮮貨，所以都不能期望有咩鮮味，好彩佢唔算好肥，最怕一大舊肥膏。整體質料都算唔錯，所以都回頭左幾次。