Video
Read full review
2021-01-24
237 views
琴晚戰鬥到朝早五點，生啤白酒再清酒，訓醒三點半的早餐，心血潮煮煲蒜子臘味蒸飯贈朋友們，食飽飽速速去買料啊！最終都係懶得專程出旺角操拳，肥埋今個月先！飯局馬拉松仲有六日。望望餐牌，我唔要食炸雞脾，脾臟好食架咩？其實我都未食過雞脾，如果係炸雞髀的話一定要試試。西冷煎牛扒？用西冷方法煎牛扒到底係點架？還是師傅英文名叫做 sirloin 呢？沙爺牛肉飽？阿爺見到牛肉就會飽？义燒公仔麵？義燒？殘體字？睇餐牌睇到我好亂呀！城記分三家，餐廳、飯店、魚蛋王。熱奶茶，味道一般不夠幼滑不夠茶香。凍檸樂，回魂曲！好很醉好很醉，要隊罐檸樂解解酒。煎豬扒，索價$19 蚊塊都幾貴喎！有誠意地煎出來，沒有偷雞取考出炸豬扒，值得一讚！淋上微甜照燒汁撞上咸香豬扒也不錯，外層煎得金黃焦香，連骨豬扒肉味特別香濃，肉質鮮嫩彈滑，雖然邊位略肥，原汁原味最緊要，熱辣辣好味道。宿醉一筆清！其實碗麵只係等左 15 分鐘，但感覺似等左半粒鐘。雖然嬸嬸話多單所以特別耐，不過明顯係漏單，遲過我黎既食客都清完碗沙嗲牛肉麵埋單走喇！我無奈地上火了，好采我脾氣好，只埋怨兩句！火腿太陽蛋香辣肉丁出前一丁，火腿太陽蛋最早到步已攤到凍冰冰，唯有掉落滾
城記分三家，餐廳、飯店、魚蛋王。熱奶茶，味道一般不夠幼滑不夠茶香。凍檸樂，回魂曲！好很醉好很醉，要隊罐檸樂解解酒。
煎豬扒，索價$19 蚊塊都幾貴喎！有誠意地煎出來，沒有偷雞取考出炸豬扒，值得一讚！淋上微甜照燒汁撞上咸香豬扒也不錯，外層煎得金黃焦香，連骨豬扒肉味特別香濃，肉質鮮嫩彈滑，雖然邊位略肥，原汁原味最緊要，熱辣辣好味道。宿醉一筆清！其實碗麵只係等左 15 分鐘，但感覺似等左半粒鐘。雖然嬸嬸話多單所以特別耐，不過明顯係漏單，遲過我黎既食客都清完碗沙嗲牛肉麵埋單走喇！我無奈地上火了，好采我脾氣好，只埋怨兩句！
火腿太陽蛋香辣肉丁出前一丁，火腿太陽蛋最早到步已攤到凍冰冰，唯有掉落滾湯暖一暖吧！浸暖了的太陽蛋及煎火腿當然好味道。香辣肉丁都好多粒，無孤寒無欺場，瘦肉鬆化。麵質有少少粉，差少少就唔合格。辣椒油堅辣，強辣惹味出晒汗！香辣湯汁擁著麵條跟肉丁掃入口還是滿足的，食飽飽怨氣全消，已忘記剛才的事了！
黑椒汁火腿煎蛋牛扒，火腿煎過熱熱的香香的好味道的。煎蛋技術高超，煉成荷包蛋整隻塞入口爆開﹗暖暖黃汁激射，蛋白微微焦香，非常高質！即煎牛扒滾熱辣掛上甜甜惹味黑椒汁，醒腦醒神醃味吸引，牛味濃濃帶淡淡然的肉汁，質地稍為韌左少少，整體滿意達標。
出前一丁麻油麵，價值 $16 蚊淨出前一丁，高價一定好食到不得了啦！特別地即叫即煮要等耐一點，估唔到超高質喎，深啡色濃濃湯底，麵跟湯一齊煮，麵條爽滑吸盡湯汁格外甜美，淨麵都好好食！難得新黎神州阿姐耐心地幫我寫單，最初都聽唔明我想食咩，最後都解決得到。我想歐陸餐火腿煎蛋牛扒加出前一丁，竟然要當係散叫個淨麵，我無奈地接受，最緊要好食，紅磡食開幾間茶記都只係套餐加多 $5 蚊乍。
太陽蛋豬扒出前一丁，勁鬆豬扒腍腍滑潺潺極討厭，醃味濃濁！生菜鮮甜爽嫩，可舒緩一下。丁麵掛蛋黃天作之合，辣椒油可以放埋一邊。真係煮得非常出色，即時生煮慢工出細貨，爽彈滑吸盡湯汁程淺啡，啖啖充滿湯汁甜美。腸仔煎蛋出前一丁，生煮一丁超爽超好味，湯汁濃郁無敵，城記煮麵特上高水平。高檔靚腸仔，實淨甜美還有熱狗腸味道，不咸不濁無怪味。熱辣辣新鮮出爐焦香煎蛋，流心半熟掛麵齊嘆或獨立處理都同樣開心美麗，鮮牛味道非凡，不是醃死的牛肉片，沙嗲清爽得宜，食得到天然牛味同時散發沙嗲香氣，非常得得得。
太陽蛋雞扒出前一丁，特上煎雞扒肥美多汁多水，醃味絕好提神醒腦。早前幾次都給我高質爽彈生煮丁麵，何解依碗係發脹滾水味攤腍丁麵我呢？極度難食！
火腿奄列，驚見煎蛋皮，蛋皮捲火腿絲，高溫製造的過熟蛋皮起晒豆皮兼油淋淋，賣相未能增進食慾，十足成塊厚毛巾撻係隻碟度，完全無想夾起咬啖的意慾。蛋還蛋，腿還腿，各自修行，沒怎麼交流過，老蛋鞋鞋，腿絲咸濕，免免強強入到口。
太陽蛋雪菜肉絲出前一丁，最初點叉燒，可能太晏已經賣晒，無緊要是但雪菜肉絲。嬸嬸話個套餐有火腿奄列，那我多叫隻太陽蛋都無緊要既。肉絲也不少，罕見難得。雪菜味道清新爽爽的，咸香得宜混著軟綿肉絲蠻醒胃的。新鮮生煮出前一丁真好﹗生猛有活力，激彈滑溜溜，不粉不水不腍劈劈，吸引靚湯味道甜美不陰沉不死屍，整個人精神百倍！拖著大量蛋漿更是無懈可擊，黏滑並重，蛋味濃濃甘香，啜得死去活來的愉快。連我最愛既辣椒油都唔想落，原汁原味更加美妙！
煙鴨胸照燒汁撈出前一丁，爽彈嫩滑微暖出前一丁散發麵香，照燒汁混胡麻醬酸酸甜甜黏黏濕濕，滑潺潺地啜入開胃醒腦。即食煙鴨胸叮得不夠時間，兩片微暖還可以，兩舊厚厚鴨胸頭外暖外冷，皮脆肉彈，鴨皮爆油，咬得滿嘴油淋淋不舒服。
煎雙蛋豬扒出前一丁，我要煎豬扒唔係炸豬排，炸到乾爭爭鞋烚烚，豬肉乾一樣！一望就知湯底水還水湯還湯都未融合，淡而無味白烚麵撈湯粉，麵還麵湯還湯，麵條無味道，失敗！
炸雞髀，隻雞髀重傷不停流血，止止血先好嗎？雞皮薄薄非常香脆油光立立令。炸得剛剛熟，白肉極嫩滑滑，醃味濃郁醇美，只係邊咬邊滴血水有點噁心，唯有一路食一路抹乾淨血水。不知是否心理作用，硬覺得有少少血腥味道。
煎雙蛋豬扒出前一丁，煎雙蛋食完碗麵食埋隻雞髀先到，唔催都唔到！後生仔侍應仲將我份蛋比隔離個阿婆，激死我！阿婆食緊魚蛋粉架，雖然見我無晒野食，咪就係欠煎雙蛋囉。炸雞中翼，溫油翻炸翼油淋淋，內外兼油，雖然白肉滑滑醃味清淡。
餐肉榨菜肉絲即食麵，罕見有辣油的爽脆榨菜，幾條肉絲腍劈劈，鬆軟肥美靚餐肉，彈牙清爽靚麵條。火腿奄列餐肉榨菜肉絲即食麵，火腿奄列微暖融合，滑滑有蛋汁。
午餐肉煎蛋鮮牛通心粉，煎蛋有點熟蛋汁幾乎全凝固，餐肉油潤滲著肉汁，如煎得兩面香脆金黃就更開心。鮮牛通心粉，湯汁清爽，竟然係兒時味道令人十分壞念，加埋厚身黏黏通心粉簡約古祖風，嫩牛鬆軟滑嘟嘟，撈埋餐肉碎更多彩多姿。食碗熱熱 pasta 醒醒先，Spam & beef macaroni soup！無咩胃口食少少暖暖胃，份量多得誇張，多過碗蠔仔粥咯，正常應該只一半份量呢，超抵食！
煙肉叉燒湯烏冬，椰菜真係甜架喎，爽甜不苦澀，難得難得！沒有燒過的炆叉燒，厚切估唔到鬆軟肉甜。煙肉不咸不油肉香油香，湯底特濃跟通粉湯一樣喎，飲兩幾啖都唔頸渴。即食烏冬熱騰騰煮得透徹，嫩滑濕潤滲著湯汁十分高質。
吉列豬扒，新鮮出爐略有油光，薄薄麵包糠鬆化不硬掘掘不刮嘴，完成度高鎖住肉汁，先脆後軟塾，豬肉甜味吸引無比，可遇不可求，浸湯食半濕半脆別有一番風味。
煎豬扒
7 views
0 likes
0 comments
火腿太陽蛋香辣肉丁出前一丁
3 views
0 likes
0 comments
黑椒汁火腿煎蛋牛扒
3 views
0 likes
0 comments
出前一丁麻油麵
6 views
0 likes
0 comments
太陽蛋豬扒出前一丁
6 views
0 likes
0 comments
太陽蛋出前一丁
2 views
0 likes
0 comments
腸仔煎蛋出前一丁
10 views
0 likes
0 comments
腸仔煎蛋出前一丁
0 views
0 likes
0 comments
太陽蛋雞扒
0 views
0 likes
0 comments
出前一丁
1 views
0 likes
0 comments
太陽蛋雪菜肉絲出前一丁
1 views
0 likes
0 comments
太陽蛋雪菜肉絲出前一丁
0 views
0 likes
0 comments
太陽蛋雪菜肉絲出前一丁
1 views
0 likes
0 comments
煙鴨胸照燒汁撈出前一丁
1 views
0 likes
0 comments
煙鴨胸照燒汁撈出前一丁
0 views
0 likes
0 comments
煎雙蛋豬扒出前一丁
4 views
0 likes
0 comments
炸雞髀
0 views
0 likes
0 comments
炸雞髀
2 views
0 likes
0 comments
煎雙蛋
0 views
0 likes
0 comments
炸雞中翼
1 views
0 likes
0 comments
餐肉榨菜肉絲即食麵
3 views
0 likes
0 comments
午餐肉煎蛋
1 views
0 likes
0 comments
鮮牛通心粉
0 views
0 likes
0 comments
午餐肉鮮牛通心粉
3 views
0 likes
0 comments
煙肉叉燒湯烏冬
24 views
0 likes
0 comments
煙肉叉燒煎雙蛋湯烏冬
1 views
0 likes
0 comments
吉列豬扒
9 views
0 likes
0 comments
吉列豬扒
4 views
0 likes
0 comments
沙嗲牛肉出前一丁
2 views
0 likes
0 comments
沙嗲牛肉出前一丁
8 views
0 likes
0 comments
Post
