紅城

Open Now

Now Closed

幾次經過都見唔少人，都想試，今次黎到灣仔專登黎試下水準如何。初時以為佢無下午茶，不過唸住都入去試下，座位都好迫，但見長期都人多，搭左張細枱，好在唔係叫茶餐，唔係都無乜位放嘢。唸住食完即走，唔緊要啦！一用手機嘟QRcode，估唔到咁多選擇，下午茶都已經好多款式。本來見人食公司三文治都幾吸引，不過就無餐嘅，跟住見到呢個酸辣蝦炆烏冬，都想試下炒嘢或炆嘢類，就叫左。一黎到，見到D蝦，心唸，童叟無欺喎，幾大隻，仲要有成4，5隻。個酸辣我可以接受， 太辣我都真係唔掂。烏冬可以再爽D，但唔林，算唔錯，份旺無異係下午茶，細細碟，ok啦！店家好貼心，因為我又唔想飲凍嘢，又趕住走，佢一點餐已經可以外賣杯上，good呀，叫左杯特濃朱古力take away。五十零蚊個下午茶，本來唔抵，但質素頂返條數。後註，杯特濃朱真係好濃，以茶記嘅朱古力呢個有7.5分。