Video
Read full review
2023-03-22
477 views
唔係同事介紹都唔知道香港有咁出色嘅日本定食（但係平民價！），同同事食完之後自己都特登坐238M入嚟食咗兩次（好近巴士總站，其實都好易到）。兩款炸雞定食都好好食，炸得好鬆脆，好似一塊薯片包住嫩滑嘅雞肉，但沙律雞如果一個人食晒真係太full。呢個價錢有珍珠米真係難得，其實飯嘅質素真係好重要，加上佢嘅飯素好惹味。好難得香港有日本餐廳令我覺得有日本嘅感覺（我指味道上，雖然佢嘅佈置都好日本）老闆超好人，送咗幾粒明太子章魚燒俾我哋試。🙏🏼🥹 返工日子有咁高質素嘅午餐真係格外醒神！如果熱飲有多啲選擇就好啦，佢嘅玄米茶係好味，但飲到要食埋啲茶葉落肚又唔知點樣隔開啲茶葉同玄米實在有啲狼狽。😅有一次我哋揸車落去拎外賣，雖然車程來回只係15分鐘內，已經知道焗住嘅話唔食炸嘢會比較好，叫咗個鯖魚定食，但非常失望，條魚比較乾同腥，飯素少，飯太多，又冇汁，同堂食質素實在差太遠，而且佢用啲細膠兜裝住啲錢財，我哋覺得非常浪費，情願唔好比我地。同埋外賣定食原來冇熱飲㗎。由於堂食質素太出色所以落差實在太大😅所以，我都係繼續幫襯飯堂食😍
兩款炸雞定食都好好食，炸得好鬆脆，好似一塊薯片包住嫩滑嘅雞肉，但沙律雞如果一個人食晒真係太full。呢個價錢有珍珠米真係難得，其實飯嘅質素真係好重要，加上佢嘅飯素好惹味。好難得香港有日本餐廳令我覺得有日本嘅感覺（我指味道上，雖然佢嘅佈置都好日本）
老闆超好人，送咗幾粒明太子章魚燒俾我哋試。🙏🏼🥹 返工日子有咁高質素嘅午餐真係格外醒神！
如果熱飲有多啲選擇就好啦，佢嘅玄米茶係好味，但飲到要食埋啲茶葉落肚又唔知點樣隔開啲茶葉同玄米實在有啲狼狽。😅
有一次我哋揸車落去拎外賣，雖然車程來回只係15分鐘內，已經知道焗住嘅話唔食炸嘢會比較好，叫咗個鯖魚定食，但非常失望，條魚比較乾同腥，飯素少，飯太多，又冇汁，同堂食質素實在差太遠，而且佢用啲細膠兜裝住啲錢財，我哋覺得非常浪費，情願唔好比我地。同埋外賣定食原來冇熱飲㗎。由於堂食質素太出色所以落差實在太大😅
所以，我都係繼續幫襯飯堂食😍
大阪風炸雞定食
46 views
0 likes
0 comments
28 views
0 likes
0 comments
19 views
0 likes
0 comments
Post
