海陸空

Open Now

Now Closed

喺香港除咗日本嘢多，韓國其實都好盛行，喺尖沙咀直頭開到成行成市其中呢間韓國餐廳，非常有空間感一開頭會用幾碟前菜招待我地，豆腐挺身，又滑又彈口。泡菜大大片，醃得好入味。醃蝦大根浸到好腍，醬汁同蝦嘅鮮味好夾仲有豆角同午餐肉，好多姿多彩想數韓國出名食乜，好少人第一就數到麵呢碗海鮮拉麵，用嘅比一般拉麵更粗身，唔會變腍但又好索汁，海鮮湯底用大量泡菜熬製，有大量海鮮如青口、魷魚、蝦蟹等等，鮮辣香縈繞不斷，尤其蟹肉極度鮮嫩，滑到你唔信另外炸醬麵更係韓劇食品必備，胃弟話呢間炸醬麵同喺韓國食嘅一模一樣，都係咁地道醬汁夠稠密，落咗好多洋蔥吊味，美味非常唔嚟食唔知，原來韓國都有糖醋骨，整法同我地平時食嘅好唔同，唔係紅噹噹，而係用蘆薈、菠蘿、木耳同甜椒炒埋一齊，醬汁透透地，豬肉質感比較鬆綿呢度仲有得燒肉，一個set可以一次過食到牛肋肉同五花肉，開頭胃弟燒到雞手鴨腳，老闆娘就走過嚟好純熟咁幫我地燒燒到金黃香脆，教埋我地點咩醬食可以點大醬、燒汁同麻醬食，感覺出名食唔到呢種醬味，好香好特別仲可以配蒜漬、紅薑、洋蔥片同泡洋蔥絲一齊食，款款滋味無窮，又有驚喜