金風小館 (Closed)

禮拜日同家人去粉嶺上水諗住搵d好嘢食下，途經新豐路，見到有間新開嘅叫金風小館（中石化油站對面），於是過去睇睇咩環境。喺門口一睇見餐牌有雞煲（仲要任飲任食2小時），一於入去試吓，呢度個招牌雞煲非常鬼馬，可以另外加料，我決定叫一個三拼招牌雞煲，一嚟到色香味都非常吸引，慢煮5至10分鐘後，一打開個煲蓋d香味撲鼻而來，二話不說梗係揸起筷子試吓佢，因為屋企人唔係好食得辣，所以叫咗個小辣。一入口嘅味道非常之濃郁，d雞同埋d鴨舌大腸同金錢肚入味非常，唔使一陣已經食晒啲雞，跟住就到加湯火鍋，可能本身雞煲嗰啲醬汁味道濃郁，到咗加湯之後個湯底味道都不失味道，火鍋料嘅選擇亦都算多，值得一提，即炸響鈴絕對「正」！我敢講句絕對係性價比高