潮福蒸氣石鍋 (Closed)

印象中從來未去過堅尼地城，就算地鐵開通左堅尼地城站到而家先至第一次去，發現呢度雖然係舊區，有好多舊唐樓，同時間唔中又有啲新起嘅樓，完全係典型嘅香港市區重建地區之一，經過呢間食店有蒸氣石鍋，入去是旦食-任飲任食。有兩種湯揀，揀左個款後來侍應話冇，咁就要左另一款，如果再熱啲應該會更好。先食已經預先整好嘅乳鴿。跟著即席蒸開邊龍蝦。侍應將啲貝殼類海鮮倒落個石鍋，令到好有氣氛，繼續海鮮，叫左蠔丶帶子，雖然有自助醬吧，我個人較喜歡食海鮮時原汁原味。