泰尚泰國菜館

Open Now

Now Closed

喺堅尼地城聽咗好多人介紹喺厚和街有間泰國菜CP值好高，呢間就係今晚要去嘅泰尚泰國餐廳。椰汁海鮮湯：椰汁香味十足，海鮮配料豐富，好足料。特色燴牛柳粒：牛柳粒份量好多，牛柳仍然保持嫩滑多汁，加埋特式秘製嘅醬汁，夠哂惹味。鴨胸碎生菜包：平時出去食嘅生菜包大多數都係用豬肉碎做，呢度比較特別係用左鴨胸肉做，而佢哋嘅鴨胸肉加左好多泰式嘅香料，用嚟配清爽嘅生菜就最啱。咖喱魚柳：佢哋有三款不同嘅咖喱，分別係紅，黃，綠三款，呢次我哋叫左紅咖喱。佢哋嘅紅咖喱口味偏甜，可能係加左菠蘿嘅關係，佢哋嘅魚柳整得好入味，滿滿咖喱嘅味道。薄餅ROTI：食咖喱嘅話最好配埋薄餅，用薄餅索滿咖喱汁，見到都流哂口水。泰式炒西蘭花：佢哋分別有用蒜蓉炒又或者係用馬拉盞炒兩款，我哋揀左馬拉盞，味道夠哂濃，好有泰國嘅風味。泰式奶茶，咸檸七：夠哂清涼，消暑解渴一流。