五斗米 (厚和街)

Open Now

Now Closed

在堅尼地城行吓行吓，有點吐餓，忽然經過這間叫「五斗米」的台灣小店，剛好想食台灣東西，啱晒。打開menu，主食選擇唔多，得四麵一飯的選擇，最後點了肉燥乾拌麵，另加白菜滷及百頁豆腐兩款小食。等待期間，有一名應該係老闆或主廚的男子走進開放式的廚房，跟店員說了些台腔國語，感覺食物應對路吧。肉燥乾拌麵上場，感覺都OK豐富：有一堆肉燥、滷蛋及貢丸各一粒，再拌上木魚及胡椒粉，加上幾索汁的白麵條，拌勻後都算幾有台灣風味。不過，如果那些肉燥再油潤一點，應會更高分。那個百頁豆腐好特別，滷完後口感居然帶彈性，加上一點醬油糕來拌，不俗。至於白菜滷就最有台味，跟我在台灣吃的一樣，煮得夠爛，再用一點點蝦乾（估計係櫻花蝦）帶出菜的甜味。或者這種口感唔係大部份香港人所熟悉的，賣相也不美，但對於去過N次台灣的我，正是啱晒我追求正宗台式口味的心。其實呢間店子食物唔錯，希望將來它在主食方面能加多小許項目，才會更吸引貪心的香港人。