Video
Read full review
2023-03-24
65 views
堅尼地城·型格燒鳥Omakase ENSŌ📍西環堅尼地城新海旁街25號地下5號舖➰好歌推介「文明能壓碎情懷不衰，無論枯乾山水;舊時年月投入垃圾裡，你我一起同居。」.#七百年後 #陳奕迅➰今日相約咗啡友交流心得，順便就搵左間好有格調嘅串燒店慢慢研究。.餐廳位於堅尼地城站約5分鐘距離，行至海傍就會見到，對住海濱傾計食野交流都甚有情調。餐廳設有吧枱及卡位，一入到門口就見到一整排陳酒陳列，令人垂危三尺，另外半開放式廚房可以睇住師傅即燒串燒非常唔錯，但今日想同朋友傾計，就選擇左卡位。➰飲品✥Blueberry Orange Squash 💲58 ⭐️4.1/5⭐️今日同朋友著重沖啡交流心得，所以決定戒酒一天，叫左杯Mocktail飲下，上層係橙汁底層藍莓汁再混合左梳打汽水，顏色呈現層次分明鮮艷，飲落好清爽。➰Omakase全雞串套餐 💲688/1 今日揀依間餐廳最特別之處就係提供Omakase雞串燒，平時好少見，所以嚟一探究竟。.𖥕前菜·酸汁啫喱雞胸沙律 ⭐️3.9/5⭐️新鮮沙律菜加上嫩雞胸配搭酸汁啫喱容易入口，清新酸甜，作為開胃前菜唔錯。❀Omakase燒鳥串 ⭐️4.3/5⭐️食完沙律唔洗等太耐就直
ENSŌ
📍西環堅尼地城新海旁街25號地下5號舖
➰好歌推介
「文明能壓碎情懷不衰，無論枯乾山水;舊時年月投入垃圾裡，你我一起同居。」
.
#七百年後 #陳奕迅
➰
今日相約咗啡友交流心得，順便就搵左間好有格調嘅串燒店慢慢研究。
.
餐廳位於堅尼地城站約5分鐘距離，行至海傍就會見到，對住海濱傾計食野交流都甚有情調。餐廳設有吧枱及卡位，一入到門口就見到一整排陳酒陳列，令人垂危三尺，另外半開放式廚房可以睇住師傅即燒串燒非常唔錯，但今日想同朋友傾計，就選擇左卡位。
➰飲品
✥Blueberry Orange Squash 💲58 ⭐️4.1/5⭐️
今日同朋友著重沖啡交流心得，所以決定戒酒一天，叫左杯Mocktail飲下，上層係橙汁底層藍莓汁再混合左梳打汽水，顏色呈現層次分明鮮艷，飲落好清爽。
Blueberry Orange Squash
6 views
0 likes
0 comments
➰Omakase全雞串套餐 💲688/1
今日揀依間餐廳最特別之處就係提供Omakase雞串燒，平時好少見，所以嚟一探究竟。
.
𖥕前菜·酸汁啫喱雞胸沙律 ⭐️3.9/5⭐️
新鮮沙律菜加上嫩雞胸配搭酸汁啫喱容易入口，清新酸甜，作為開胃前菜唔錯。
❀Omakase燒鳥串 ⭐️4.3/5⭐️
食完沙律唔洗等太耐就直接送上主菜，侍應介紹每日會根據唔同食材供應提供6串唔同部位嘅產地直送燒鳥串，而且可以有3種唔同鹽粉可以調味，個人最鐘意抹茶鹽，食落較為清新。
.
✥雞軟骨
燒得乾身，香脆有咬口，夠滋味。
.
✥雞皮
外脆內軟，入口薄脆，雞油淡淡散發，令人回味。
.
✥雞翼
雞翼燒得爽身惹味，搭配黑椒鹽令到味道更為突出。
.
✥雞肝
用汁燒方法令到燒雞肝將生熟程度恰到好處，呈現剛好嘅粉嫩，入口非常鮮嫩，鐘意食內藏嘅朋友值得一試。
.
✥雞喉嚨
黝黑嘅雞喉嚨，是第一次食到嘅味道，爽身帶煙韌，有D似食緊燒雞皮但更加爽口，可以一試。
.
✥免治雞肉棒
最鐘意依款免治雞肉棒，配上橙黃月見蛋汁，兩者配合無間，串燒惹味蛋汁中和油膩，食多兩串都唔會飽膩。
Omakase燒鳥串
10 views
0 likes
0 comments
免治雞肉棒
7 views
0 likes
0 comments
.
𖥕主菜
✥厚燒玉子燒 ⭐️4.1/5⭐️
玉子燒上枱賣相一流，厚燒玉子外層見到燒焦坑紋非常吸引，入口香甜，配上燒汁更為惹味。
厚燒玉子燒
7 views
0 likes
0 comments
.
✥雞皮虎蝦 ⭐️4.2/5⭐️
不得不讚賞依間串燒店嘅雞皮燒得非常好，薄脆之下留有油香餘韻，包裹大大隻彈牙虎牙一齊燒，兩者相得益彰，將雞油融入虎蝦之中，十分美味。
雞皮虎蝦
10 views
0 likes
0 comments
.
✥迷你雞白湯布烏冬 ⭐️4.2/5⭐️
上枱冒住絲絲熱氣，主食係好少見嘅白布烏冬，雖然少少考驗揸筷子嘅能力，但白布烏冬嘅掛汁能力非常好，每啖都吸收雞湯精華，而且依份味道偏淡口，可以平衝返前面串燒嘅油膩感。
迷你雞白湯布烏冬
18 views
0 likes
0 comments
➰總結
餐廳以串燒居酒屋作主打，裝修雅致令客人可以放鬆盡興，而且提供少見嘅omakase串燒套餐，提供新鮮即制燒鳥串，店員非常熱情好客，仲有好多酒品提供，下次有機會都會回頭再試，係一間環境舒適可以同朋友漫漫長談嘅燒鳥店。
.
➿➿➿
# ENSŌ
#西環美食 #堅尼地城美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#雞喉嚨 #免治雞肉棒 #雞皮虎蝦
.
➿
世上偶遇也是重遇，祝大家拼命無恙🫶🏻
賣吓廣告先，一個90後偽文青鐘意食好西聽好歌去旅行😋🎵✈️
有興趣睇更多好西好歌好玩推介，或者大家有好嘢Share嘅🥳
請大家Follow下我IG，比D支持，多謝✨：@healoop.foodie
Post
