Video
Read full review
2018-03-28
230 views
呢期去九龍站開工，下晝搵野食都係行番佐敦個邊多選擇啲！本身想搵一間粥店，黎左呢間千家客，發覺原來呢度最耍家係雲吞麵！一於轉揀佢！望價錢個陣覺得唔平呢，食完就知點解貴一截。我叫左大用。(細用 38蚊，大用 48蚊)黎到既係配有蝦子既麵，賣相幾唔錯！一黎飲啖湯，清，唔會重鹼水味，其實可以話啖左啲。再黎食啖麵。好滿意！確實高質過其他食開既幼麵。幼身得黎又彈牙，食落有麵香，口感十分好。雲吞。係皮薄餡靚！佢唔係大大隻，但係蝦肉彈牙，豬肉唔粉，皮薄透光。菜。就連啲菜心都覺得高質，乾淨冇一點點，個芯又好食。湯比較啖，所以有另外夾麵點醋食，發過佢夠清既湯底下，佢啲麵點醋食就非常夾！雖然係高價，但係佢deliver到高質既食物！推介！同場仲有外國人黎，指定要雲吞，可能餐廳本身都有啲名？
本身想搵一間粥店，黎左呢間千家客，發覺原來呢度最耍家係雲吞麵！一於轉揀佢！
望價錢個陣覺得唔平呢，食完就知點解貴一截。
大用
$48
14 views
0 likes
0 comments
我叫左大用。
(細用 38蚊，大用 48蚊)
黎到既係配有蝦子既麵，賣相幾唔錯！
一黎飲啖湯，清，唔會重鹼水味，其實可以話啖左啲。
再黎食啖麵。好滿意！確實高質過其他食開既幼麵。幼身得黎又彈牙，食落有麵香，口感十分好。
雲吞。係皮薄餡靚！佢唔係大大隻，但係蝦肉彈牙，豬肉唔粉，皮薄透光。
菜。就連啲菜心都覺得高質，乾淨冇一點點，個芯又好食。
湯比較啖，所以有另外夾麵點醋食，發過佢夠清既湯底下，佢啲麵點醋食就非常夾！
雖然係高價，但係佢deliver到高質既食物！推介！
同場仲有外國人黎，指定要雲吞，可能餐廳本身都有啲名？
Post
