Simplylife Bakery Cafe

Open Now

Now Closed

周末嚟食晏，企門口等咗唔使半個鐘就有位。冇幫襯呢間字號一段長時間，今次重新發現而家跟餐麵包唔再係一籃子，變咗一人一大件。係好事呀，唔再造成大浪費。呢餐最驚喜嘅係煎魚意大利燴飯，因為佢勁多汁，呈現出強烈嘅泡飯模樣，完全顛覆咗意大利燴飯嘅既定形象，塊煎魚更變咗做湖上泛舟。跳過漢堡系列轉叫牛肉煎蛋法包配黑醋汁沙律菜，遇上欠肉味、調味唔夠嘅薄切牛肉。估計中伏機會最低嘅炸魚薯條，賣相有啲啲趕客，見到時忍唔住笑。味道非常普通嘅一餐，喺限時 90 分鐘內完成。夠鐘前 15 分鐘，店員有禮地要求埋單，到真係夠鐘，佢再嚟温提。個程中唔會令人有 hard feeling，好好。