Video
Read full review
2022-05-09
85 views
終於有連假放就當然要食好西放鬆吓，今次去咗屋企附近嘅「Verde MAR」食晏，佢中文名好似叫綠海·牛油果，好得意。之前經過門口已經覺得餐廳裝修幾靚，而入到去更散發住濃厚異國民族風情🏜。餐廳裏頭充滿綠色元素💚，除咗四周圍擺放咗小盆栽之外，出面更設有一個花園仔，再配合埋大窗户令室內光線充足，讓人置身於小森林一樣，整體氛圍相當舒服。餐廳主打墨西哥菜🇲🇽，食物種類繁多，唔單止得卷物食。同時，餐牌設計精緻，圖文並茂，令客人更能掌握菜式內容。餐廳喺週末特別提供Egg Brunch Menu雞蛋假日午餐。Chilaquiles薄荷蕃茄芝士粟米片($98)，早午餐好豐富，包括有靚靚煎雙蛋🍳、斑豆蓉同粟米片。整熱咗嘅粟米片別有一番風味，配合埋酸忌廉、芝士、蕃茄、辣椒粒同薄荷葉等一齊食好搭調🌿。不過我建議要襯快食，因為再放耐啲就會變淋、變濕。Grilled Adobo Beef & Pork燒汁鴛鴦烤肉($168)，佢係DIY系列，有得玩又有得食。🍖烤肉用鐵板裝住，份量都幾多，但醃料味偏重，所以唔係好分得出牛肉定豬肉🐷🐮。隨烤肉奉上三塊軟薄餅，用佢嚟包裹蕃茄、生菜絲同莎莎醬🍅，食落感覺滿足。不過薄餅得三
終於有連假放就當然要食好西放鬆吓，今次去咗屋企附近嘅「Verde MAR」食晏，佢中文名好似叫綠海·牛油果，好得意。之前經過門口已經覺得餐廳裝修幾靚，而入到去更散發住濃厚異國民族風情🏜。
餐廳裏頭充滿綠色元素💚，除咗四周圍擺放咗小盆栽之外，出面更設有一個花園仔，再配合埋大窗户令室內光線充足，讓人置身於小森林一樣，整體氛圍相當舒服。
餐廳主打墨西哥菜🇲🇽，食物種類繁多，唔單止得卷物食。同時，餐牌設計精緻，圖文並茂，令客人更能掌握菜式內容。餐廳喺週末特別提供Egg Brunch Menu雞蛋假日午餐。
Chilaquiles薄荷蕃茄芝士粟米片($98)，早午餐好豐富，包括有靚靚煎雙蛋🍳、斑豆蓉同粟米片。整熱咗嘅粟米片別有一番風味，配合埋酸忌廉、芝士、蕃茄、辣椒粒同薄荷葉等一齊食好搭調🌿。不過我建議要襯快食，因為再放耐啲就會變淋、變濕。
Grilled Adobo Beef & Pork
$168
0 views
0 likes
0 comments
Grilled Adobo Beef & Pork燒汁鴛鴦烤肉($168)，佢係DIY系列，有得玩又有得食。🍖烤肉用鐵板裝住，份量都幾多，但醃料味偏重，所以唔係好分得出牛肉定豬肉🐷🐮。隨烤肉奉上三塊軟薄餅，用佢嚟包裹蕃茄、生菜絲同莎莎醬🍅，食落感覺滿足。不過薄餅得三塊，唔係好夠喉啊。
Mexican Chicken Wings
$89
2 views
0 likes
0 comments
Mexican Street Corn (Elotes)墨西哥式粟米($89)，🌽呢樣係簡單又好味嘅街頭小食。香甜多汁嘅粟米配上惹味嘅酸忌廉、蛋黃醬同辣粉，集多重滋味於一身，相映成趣。另外，如果再吱啲青檸汁就變得清新🍋。
Avocado Ice Cream自家製牛油果雪糕($88)，傻傻分不清究竟佢係雪糕🍨定牛油果🥑，答案係兩樣都啱。甜品還原度極高，佢以牛油果皮作為器皿，就連塊招紙都仲喺度🤣。雪糕嘅味根本就同食緊牛油果無異，但加入咗牛奶變得更香滑，而中間橙色部份係柚子雪葩，可愛呢🍊。
Horchata
$38
2 views
0 likes
0 comments
總括嚟講，呢餐墨西哥菜係一個唔錯嘅體驗👍，由外籍廚師主理，為客人帶來正宗口味。雖然餐廳定價稍貴，但我認為都值得到訪啊。最後，我上載埋餐廳嘅完整餐牌以供大家參考🙏🏻。
Post
