Video
Read full review
2013-06-18
30 views
對上一次嚟係二月尾三月頭，因為同朋友喺鑽石山睇戲，所以就快快手喺呢度食飯，印象麻麻，甜品睇得但主打既銅鑼燒卻一般，主食既蓋飯過多汁變左湯飯咁，所以本身諗住試一次就夠了。誰知最近有雜誌以抹茶為主題，有幾大版篇幅，其中一篇更介紹抹茶館，啲相影得唔錯之餘，所介紹既食品我都有啲想試，於是就同老公來開餐了！等左唔駛10分鐘就有得入座，我地點左一個香辣蕃茄湯麵($69+10%)同炸野菜豚肉咖哩湯烏冬($59+10%)，飲品就點了雜誌介紹既傳統抹茶($19+10%)，另外又點了一杯細既軟雪糕冰抹茶($44+10%)。先上傳統綠茶，如雜誌介紹一樣，包括裝有茶粉既杯﹑茶筅﹑赤糖﹑熱水一壺及兩粒小丸子(又叫白玉)，本來有張說明書教你點做，唔知係咪要減成本，由店員陳述了。理應先倒少少熱水落茶杯，再用茶筅以M字喪搞至起泡，跟住再加多水同赤糖，小丸子伴吃。我地嚟左一個錯誤試範，做唔到起泡好滑既效果，不過$19蚊又幾抵玩既！軟雪糕冰抹茶上枱了，雪糕好滑好rich好有奶味，超正！個Maccha Latte開初好嚡口，但等啲雪糕稍為溶化，成杯即刻唔同哂，好滑！跟住到主菜上場了，估唔到事隔三月，真係讓人刮目相看。先嚟既
等左唔駛10分鐘就有得入座，我地點左一個香辣蕃茄湯麵($69+10%)同炸野菜豚肉咖哩湯烏冬($59+10%)，飲品就點了雜誌介紹既傳統抹茶($19+10%)，另外又點了一杯細既軟雪糕冰抹茶($44+10%)。
先上傳統綠茶，如雜誌介紹一樣，包括裝有茶粉既杯﹑茶筅﹑赤糖﹑熱水一壺及兩粒小丸子(又叫白玉)，本來有張說明書教你點做，唔知係咪要減成本，由店員陳述了。理應先倒少少熱水落茶杯，再用茶筅以M字喪搞至起泡，跟住再加多水同赤糖，小丸子伴吃。我地嚟左一個錯誤試範，做唔到起泡好滑既效果，不過$19蚊又幾抵玩既！軟雪糕冰抹茶上枱了，雪糕好滑好rich好有奶味，超正！個Maccha Latte開初好嚡口，但等啲雪糕稍為溶化，成杯即刻唔同哂，好滑！
跟住到主菜上場了，估唔到事隔三月，真係讓人刮目相看。先嚟既係香辣蕃茄拉麵，我一向唔食蕃茄，所以冇諗過要試，但老公話幾特別像沾麵幾好味咁，所以叫我試，我戰戰競競咁試左一啖，又真係幾好味喎！忍唔住多吃兩口。配料雞肉好明顯係烚雪雞，有點腥唔好味！跟住到我既炸野菜豚肉咖哩湯烏冬嚟，賣相好靚，豚肉係有點肥既腩肉，大愛！咖哩湯好濃，同烏冬好夾，炸野菜包括炸薯仔，超好味！(還有南瓜﹑紅﹑黃椒同茄子，顏色好靚)份量剛好不會過漏，整個烏冬超得！
由於飲品連主食加埋份量好足，有點飽了，所以兩人點了一客黑蜜黃豆粉芭菲($49+10%)作甜品，都係配牛奶軟雪糕，整體唔錯！看來，我還會再來呀！
Post
