宜家家居美食站

Open Now

Now Closed

老老實實，10次去ikea有幾多次真係買傢俬/家品？大部份嘅消費都係去左飲飲食食。以前讀書會去餐廳嗰邊食肉丸呀、雞翼呀、薯角嗰啲。近排鍾意去ikea美食站食雪糕，因為間唔中就會有新口味登場，仲幾抵食tim。之前食左開心果味同奶茶味都無食，睇下會唔會有機會補返。 今次係士多啤梨米奶新地配士多啤梨及煉奶，粉紅色士多啤梨雪糕上面有切碎左嘅粒粒士多啤梨，仲有煉奶tim。我買嘅時候見到有人走煉奶，而我就唔打算破壞佢原本設計好嘅組合。食落酸酸甜甜咁，仲有啲士多啤梨粒粒咬下，幾特別，食落有少少瑞士糖嘅味道咁。就咁睇我以為係「士多啤梨米」「奶」「新地」，不過原來係「士多啤梨」「米奶新地」，米奶新地係素食（佢聲稱），我就真係識條鐵。如果照佢呢個formula，我會想試下蘋果或者荔枝新地。