i CREMERiA (Closed)

I cremeria 新出左一系列既crepe😍分別有4款口味，士多啤梨朱古力，玫瑰荔枝，芝士焦糖布丁同香蕉朱古力。即叫即整，大約要等15-20分鐘。定價都幾高，一件已經要$78/$68🤨比起葵廣間班戟貴了一倍有多。好彩海港城shopping完有coupon，$100減$50😎🍓Berry chocolate crepe有草莓，原味忌廉，朱古力忌廉，朱古力脆脆，朱古力醬，雜莓醬，焦糖草莓，可可粒。朱古力味班戟，雖然加cream時只加了45度角的份量，不過卷埋後超足料👍朱古力脆脆令口感更豐富，咬落少少脆好食。唔只面頭有士多啤梨，crepe入面都有果肉👍🧀Creme cheese brulee crepe有原味忌廉，吉士醬，奶油芝士，白朱古力脆脆，雜莓醬。芝士味非常濃🧀一個人食曬可以會覺得太膩呀。最top的焦糖crunchy好好咬。不過整體黎講稍甜。