野川拉麵の深燒食堂

Open Now

Now Closed

而家收工收夜左隨時冇飯食，好彩係元朗搵到呢間野川拉麵。好，坐低睇下有咩好食先。雪場蟹柳讚岐手打烏冬，叫左番茄湯底，超濃蕃茄味仲有茄肉，烏冬滑嘟嘟，蟹柳好彈彈。牛肉壽喜燒，超多牛肉大大鍋，啲菜索左個湯底好甜好好味。芝士年糕，軟綿綿流心芝士，食完會有滿足感。椒鹽雞軟骨，炸得好香口，雞軟骨好有咬勁，炸粉唔會厚，粒粒都有軟骨。M5澳洲和牛， 牛肉好軟腍好有手味。生蠔，見到30蚊隻，即刻叫左半打大家食下開心下。呢度壽司都幾飽滿，飯握得唔錯唔易散。