叄壽司凍肉專門店

Open Now

Now Closed

屯門開咗間集合外賣壽司、日式丼飯、雞煲、羊腩煲、韓國代購嘅舖頭🤠店主會幫大家搜羅各地嘅精品、美食，間唔中過嚟行吓，可能會有新驚喜。佢哋個雪櫃真係寶物嚟，有唔同口味嘅燒賣，買咗一大包麻辣木耳豬肉燒賣，早餐整少少嚟食辣辣地好好味😆另外推介佢哋韓國水蜜桃乾，甜甜地容易入口，當零食一啲都唔肥！仲有好多好多零食，每次嚟都有唔同。跟住試咗佢哋個鰻魚飯，超大條原條鰻魚，仲有一隻流心蛋，醬汁份量啱啱好，鰻魚都幾厚肉食落去唔錯。額外叫多咗一份玉子燒，上面加咗芝士然後即場火炙，佢哋嘅玉子燒質感比較厚實感覺用料十足！口痕就試多三文魚，價錢唔貴三文魚質素幾好，而且大大片！