Video
Read full review
2024-02-21
526 views
琴日老公同我去廣華覆診，嘩！而家廣華醫院勁靚，靚過私家醫院呀！覆完診就去搵食，本來打算去食韓國菜，點知去到門口，又覺得佢流流哋，仲要入座後得40分鐘，野食都未揀到就夠鐘啦🫠，所以打算去打邊爐，又點知，經過間日本菜，見到鵝肝溫泉蛋飯，有3塊鵝肝，都只係$128，咁就比佢吸引左😍。入到去，店員首先提醒我哋，舖頭唔收現金，可能上次遊客事件😂。餐廳裝修感覺舒服，有吧檯或普通檯選擇。我哋叫咗2個set lunch，一個係豐洲壽司盛御膳壽司拼盤、一個係香煎鵝肝配泉蛋丼，再加$28要咗個茶碗蒸。豐洲壽司盛御膳壽司拼盤+稻亭素麵 $188壽司🍣上面嘅魚生每一件都好新鮮、好肥美，共有12件加一件玉子燒，我最鍾意就係海膽壽司同吞拿魚壽司。海膽壽司嘅味道好鮮甜、吞拿魚好香魚油味。咪有件玉子燒嘅，其實我係一個好唔鍾意食玉子燒嘅人，但我老公食咗半嚿，話好好食，同出面嗰啲唔同，我就即管試吓，又真係幾好食喎，唔係死實實咁，唔錯。而稻亭素麵，湯底清甜，麵質有口感。面鼓湯（跟餐）我本來係勁鍾意飲面鼓湯嘅人，但呢碗面鼓湯，唔知點解覺得怪怪哋，佢又甜又咸，可能係我唔識嘢，放棄咗😂。沙律菜（跟餐）沙律菜好新鮮，配上麻醬，好好
入到去，店員首先提醒我哋，舖頭唔收現金，可能上次遊客事件😂。餐廳裝修感覺舒服，有吧檯或普通檯選擇。
我哋叫咗2個set lunch，一個係豐洲壽司盛御膳壽司拼盤、一個係香煎鵝肝配泉蛋丼，再加$28要咗個茶碗蒸。
豐洲壽司盛御膳壽司拼盤+稻亭素麵 $188
壽司🍣上面嘅魚生每一件都好新鮮、好肥美，共有12件加一件玉子燒，我最鍾意就係海膽壽司同吞拿魚壽司。海膽壽司嘅味道好鮮甜、吞拿魚好香魚油味。
咪有件玉子燒嘅，其實我係一個好唔鍾意食玉子燒嘅人，但我老公食咗半嚿，話好好食，同出面嗰啲唔同，我就即管試吓，又真係幾好食喎，唔係死實實咁，唔錯。而稻亭素麵，湯底清甜，麵質有口感。
面鼓湯（跟餐）
我本來係勁鍾意飲面鼓湯嘅人，但呢碗面鼓湯，唔知點解覺得怪怪哋，佢又甜又咸，可能係我唔識嘢，放棄咗😂。
沙律菜（跟餐）
沙律菜好新鮮，配上麻醬，好好食。
茶碗蒸 $28
茶碗蒸上面一層有啲蟹肉芡汁及三文魚子，蛋內仲有一舊大蟹肉，好彈牙，好食。
香煎鵝肝配泉蛋丼 $128
喺店外見到幅相以為係石鍋，但上菜嘅時候原來係膠碗😅，鵝肝味道有點甘苦味。喜唔喜愛就見人見智喇😂！溫泉蛋就好香蛋味。
整體嚟講：壽司會比較出色，食日本菜應該食番日本食材好啲，下次我會醒目啲🤣。
另加10%服務費。
店鋪資料 🏢: 鮨樂
地址: 尖沙咀加連威老道12號加連威大廈地舖
Post
