家賀屋刺身寿司專門店

環境4分：正常日本餐廳格局，地方都算闊落，夠光猛同企理，訂左枱有得坐卡位最舒服，可以畀四分。衛生5分：用手提電話上網落單，全程唔使接觸餐牌，高科技非常之衛生。枱面乾淨，wasabi同豉油一Ｄ都冇黐立立，衛生可以畀五分。服務5分： 服務員態度好，爽手又唔囉唆，教用上網落單夠有耐性，服務畀滿分。味道4分：1)     三文魚腩壽司非常肥美新鮮。2)     赤貝壽司非常爽甜。3)     大大嚿日本帆立貝壽司好新鮮好厚身。4)     燒過嘅左口魚裙邊壽司煙煙靭靭。5)     劍魚腩壽司非常肥美，size好大件。6)     北海道海膽D飯同紫菜係分開上嘅，D飯好型同非常特別，圓形好得意。海膽色水好鮮艷，仲好幼嫩，包多Ｄ海膽入去好似手卷咁樣食好滿足。7)     唐揚日本池魚苗細細條可以連骨都食埋，炸完之後都唔係好油膩，送酒一流。8)     汁煮白鯖河豚非常特別，出面真係好少有機會食得到，煮完之後都唔韌。9)     鹽燒金目鯛魚鮫燒得好香，Ｄ肉非常嫩滑。抵食5分：平均每人三百幾元食咗好多壽司同燒魚，好飽肚，日本菜嚟講算好抵食，可以畀五分。