本延鍋物

Open Now

Now Closed

櫥窗有個圓拱型，設計幾靚。湯底有3款，朋友揀柚子胡椒湯，覺得佢有啲辣辣地，胡椒香突出。我比較喜歡甜嘅湯底，關東風壽喜燒就岩我，同和牛永遠係最佳拍擋。作為牛魔王嘅我哋揀和牛。極上A4黑毛和牛 190克A5 黑毛和牛肉眼190克A5和牛雖然得四片，但係每塊都好大片，油脂豐富，入口即溶，所以好夠飽！碌幾秒就食得，粉紅色我覺得係最佳食用口感！A4和牛牛味會突出啲，而且冇咁肥，肥瘦相間，食多幾片都毫無油膩感！食和牛要搭配蛋汁，就食到同豆腐一樣咁滑溜嘅口感😃野菜拼盤菜砌得幾靚，有芋絲、菇🍄、大蔥、南瓜等蔬菜🥬，新鮮又健康。另外可揀配飯/烏冬/拉麵，男仔都一定夠晒飽！質素同喺日本食一樣。