牛屋餐廳

Open Now

Now Closed

正如禁題所講，夏天不能去的扒房係因為當日我哋坐嘅位置係樓梯底亦係廚房出菜位置，一坐底無幾耐，完全感受唔到冷氣，Order時問店員可唔可以開大少少冷氣，但原來因舖頭太舊關係冷氣已經開到最大，依到俾一個建議係即使冷氣開曬/舖頭太舊，都可以添置風扇令到室內空氣流通一點。不過最唔開心既係，埋單走人嘅時侯發覺舖頭門口對出既位置係有冷氣風的，而店員知我哋坐嘅位置較熱都無主動提出調過去，不過依間係一間平價扒房，所以我唔可以要求店員有體貼嘅水準。講返食物先，當日叫左兩個餐：威靈頓牛柳、黑椒牛仔骨（西冷同肉眼都賣曬）餐湯+$18 有得轉酥皮 幾不錯餐包牛油太少太少了，有去過應該明我所指嘅太少係點，少到我以為未搽佢俾漏左牛油我......睇網上食評大家都講二百幾蚊可以食到威靈頓牛柳性價比高，但我只可以講依個係一個酥皮加牛柳並唔係傳統工序好多既威靈頓牛柳，但酥皮係好味的。而負評俾薯條係因為 完 全 唔 熱，可以講係開店炸起無保溫無翻炸，非常失望！黑椒牛仔骨就味道可以，係舊底扒房可以搵到既黑椒汁味。