上品火鍋料理

Open Now

Now Closed

約咗班FD去食飯但又冇idea食乜，因大伙人都係喺港島區做嘢，就有人提議去『上品』....估唔到原來夏天都叫可以打邊爐「十下十下」..............真開心............環境十分舒服，唔似得酒樓咁多人，喺度傾計傾得好舒服。 打邊爐前，叫咗櫻花牛刺身同三文魚刺身品嘗，櫻花牛刺身入口即溶，又有牛肉嘅鮮味，連不嬲唔食牛肉嘅fd都忍唔住破咗戒，善哉善哉.........三文魚新鮮得黎又肥又厚，正!一路隊啤一路食，回味無窮......到主角登場：湯底係蕃茄牛肉粒同埋皮旦芫茜，未開始就忍唔飲番碗試吓............我地叫咗中級牛肉， 雲吞，墨魚滑，蟹籽蝦丸， 羊肉，鱔片，桂花蚌，脆鯇.........等等全部食物都好新鮮好好味，由其係手切肥牛，真係好正好新鮮，一d雪味都冇。待應服務態度十分好，同埋十分細心，值得表揚最後仲有甜品送，好好味，應該係自家製，好清新。我地決定會再去。