Video
Read full review
2022-08-22
566 views
雖然立咗秋，但感覺仍然係夏天，遇岩無咩胃口，食一碗湯飯都不失為一個幾唔錯嘅主意呢間湯飯店面積細細，得四張枱，好彩仲有位提湯飯選擇有六款，標榜所有湯底不含味精，由豬骨，上等老雞及瑤柱熬而成還原妹豬湯 ($78)係以滑鷄，姫松茸及花膠為主角，鷄與花膠從來都係好拍檔，名字係咪喻意食完都美顏變返妹豬?! 冬瓜湯底，仲有少許香菇片，加入少許蔥花增加香味鷄件夠大件，多肉，有淡淡然嘅鷄味件花膠雖然薄身但都有D睇頭，仲要有三兩塊，充滿骨膠原。豬朋腸友 ($48)，以冬瓜粒湯底與豬雜，真係差唔多成份豬雜都有齊。豬雜處理得相當乾淨，完全無異味，食得相當放心。豬腰切成腰花，脆身好味; 豬潤煮得仍然保持嫩滑，唔老身。飯夾雜住少量紅糙米，增加口感; 湯底清甜，偶爾食到冬瓜粒，夏天湯飯仿似要以冬瓜擔當先似樣。店內有個雪櫃，內有多款滷水/麻辣/醉系列小食，價錢全部兩位數字，望過最貴嘅醉蟹都唔超過$80。無論堂食/外賣都方便我哋都叫咗沙薑豬手，切成一口大細，望見唔少沙薑粒食前阿姐幫我哋再落醬油加味，凍凍地有輕微沙薑味; 豬皮爽口，肉量就比較少，作為前菜小食都唔錯嘅。係鴨肝同鷄肝之間，我哋要咗鷄肝。以麻辣手法處理，鷄肝
呢間湯飯店面積細細，得四張枱，好彩仲有位
提湯飯選擇有六款，標榜所有湯底不含味精，由豬骨，上等老雞及瑤柱熬而成
還原妹豬湯 ($78)係以滑鷄，姫松茸及花膠為主角，鷄與花膠從來都係好拍檔，名字係咪喻意食完都美顏變返妹豬?!
冬瓜湯底，仲有少許香菇片，加入少許蔥花增加香味
鷄件夠大件，多肉，有淡淡然嘅鷄味
件花膠雖然薄身但都有D睇頭，仲要有三兩塊，充滿骨膠原。
豬朋腸友 ($48)，以冬瓜粒湯底與豬雜，真係差唔多成份豬雜都有齊。豬雜處理得相當乾淨，完全無異味，食得相當放心。豬腰切成腰花，脆身好味; 豬潤煮得仍然保持嫩滑，唔老身。
飯夾雜住少量紅糙米，增加口感; 湯底清甜，偶爾食到冬瓜粒，夏天湯飯仿似要以冬瓜擔當先似樣。
店內有個雪櫃，內有多款滷水/麻辣/醉系列小食，價錢全部兩位數字，望過最貴嘅醉蟹都唔超過$80。無論堂食/外賣都方便
我哋都叫咗沙薑豬手，切成一口大細，望見唔少沙薑粒
食前阿姐幫我哋再落醬油加味，凍凍地有輕微沙薑味; 豬皮爽口，肉量就比較少，作為前菜小食都唔錯嘅。
係鴨肝同鷄肝之間，我哋要咗鷄肝。以麻辣手法處理，鷄肝入口棉滑，麻辣程度適中，平衡咗肝嘅膩度，所以要KO一盒無難度。
呢度仲有自製冷泡茶，分別要咗菊花杞子茶及紅豆薏米茶，下火及去濕，有益過飲汽水啦。
湯飯份量大大碗，價錢街坊價，堂食外賣都方便。
Post
