粒粒果甜品 (Closed)

炎熱的天氣，在街上逛一陣已滿流大汗，所以要走入甜品店，食下冰凍甜品降溫，這間粒粒果甜品裝潢以藍白色牆為主，還有簡約掛畫，有種夏日小清新的感覺。木檯配彩色鐵櫈，夏日感十足~有好多靚靚甜品，smoothie、水果星球、生果冰、奶凍等等，實在超多選擇，款款都好吸引！點了飲品紫色夢幻 $48 及甜品榴槤甘露配榴槤球 $63，一於又飲又食。這杯紫色夢幻 $48 賣相好吸引！製作需要，大家要耐心等候下，表面有漂亮的畫花，紫色是藍莓汁打成，旁邊有鮮豔的士多啤梨點綴，smoothie 以藍莓、香蕉、鮮奶等打成，味道十分豐富，甜度剛好，底下更有高纖的奇亞籽，增加口感。我好喜歡食榴槤，所以每次去甜品店都想點有榴槤的甜品。榴槤甘露配榴槤球，好似楊枝甘露，將芒果轉為榴槤。有1整球的新鮮榴槤肉，味道好濃郁，質感幼滑，配以柚肉夠清新，還有椰汁西米糖水，是完美的配搭。