盤浦

Open Now

Now Closed

見到有五花肉放題，就去試下。去到門口已經出哂汗，位置比較隔涉，炮台山行過去分分鐘衫褲都濕晒，入到去一個唔好彩，唔係坐喺風扇位附近，佢又唔開冷氣，簡直一邊食一邊滴汗。可能因為太忙，侍應會不斷漏野，不過好就好在仲會講聲sorry。環境仲要非常黐立立，地下好跣。食到中途熱到頂唔順，開咗自己帶嘅小風扇，食完之後連個小風扇都係油煙味。食物係幾好食，前菜款類多，可以refill. 如果係$99 一個人放題豬腩肉係勉強可以，但佢唔開冷氣，我一定唔會再去第二次。都唔知係我食緊嚿豬肉定係佢哋燒緊我哋食？