Video
Read full review
2022-08-15
1226 views
勁耐無去旺角行街😆～咁岩行街經過見👀 有蟹粉宴~賣相幾吸引咁🤔~就入去試下嘞🚶♀️🚶♂️~夏日蟹粉宴(2位) $398- 酸辣湯 / 三鮮豆腐羹🍲 (每位一碗)湯方面我地要咗每款各一碗，酸辣湯方面酸同辣都夠🌶，又唔會話偏向其中一邊，味道平衡得唔錯，而湯料方面亦都好足。三鮮豆腐羹🍲，配料有雞肉🐓、蝦仁🦐同火腿🥓，味道清清地都唔錯。- 涼菜五小碟 (香蒜四季豆／雞絲粉皮／鎮江水晶肉／ 糖醋小排／虎皮素鵝)香蒜四季豆清清地又爽爽地👍；雞絲🐓粉皮正正常常咁，無乜特別；鎮江水晶肉爽口又充滿骨膠原😋；糖醋小排係質乾咗少少，不過酸酸甜甜都幾開胃；虎皮素鵝即係腐皮包住一啲菇類🍄去炸，炸得香脆好食。- 哆唻咪根據餐牌既介紹，係由著名影星張曼玉題名，一両濃郁蟹黃，加上二両蟹粉，再配三両清甜鮮既蝦仁而成，建議用饅頭食用口感更加豐盛😍。不過，哆唻咪上枱時，我地叫既炸饅頭一早已經清晒，於是我地加入烏金蟹粉拌麵度食，令到個麵本身都好足夠既蟹再錦上添花🥳🥳🥳。- 火腿津白火腿🥓咸香再配清新既津白，津白吸收咗火腿味，清清味蕾同補充纖維素既唔錯選擇。- 烏金蟹粉拌麵🍝墨汁麵再配上蟹粉，再加上來自哆唻咪既蟹粉，啖啖滿足
勁耐無去旺角行街😆～咁岩行街經過見👀 有蟹粉宴~
賣相幾吸引咁🤔~就入去試下嘞🚶♀️🚶♂️~
夏日蟹粉宴(2位) $398
- 酸辣湯 / 三鮮豆腐羹🍲 (每位一碗)湯方面我地要咗每款各一碗，酸辣湯方面酸同辣都夠🌶，又唔會話偏向其中一邊，味道平衡得唔錯，而湯料方面亦都好足。
三鮮豆腐羹🍲，配料有雞肉🐓、蝦仁🦐同火腿🥓，味道清清地都唔錯。
- 涼菜五小碟 (香蒜四季豆／雞絲粉皮／鎮江水晶肉／ 糖醋小排／虎皮素鵝)
香蒜四季豆清清地又爽爽地👍；雞絲🐓粉皮正正常常咁，無乜特別；鎮江水晶肉爽口又充滿骨膠原😋；糖醋小排係質乾咗少少，不過酸酸甜甜都幾開胃；虎皮素鵝即係腐皮包住一啲菇類🍄去炸，炸得香脆好食。
- 哆唻咪根據餐牌既介紹，係由著名影星張曼玉題名，一両濃郁蟹黃，加上二両蟹粉，再配三両清甜鮮既蝦仁而成，建議用饅頭食用口感更加豐盛😍。不過，哆唻咪上枱時，我地叫既炸饅頭一早已經清晒，於是我地加入烏金蟹粉拌麵度食，令到個麵本身都好足夠既蟹再錦上添花🥳🥳🥳。
- 火腿津白
火腿🥓咸香再配清新既津白，津白吸收咗火腿味，清清味蕾同補充纖維素既唔錯選擇。
- 烏金蟹粉拌麵🍝墨汁麵再配上蟹粉，再加上來自哆唻咪既蟹粉，啖啖滿足。
- 蟹粉🦀小籠包 (兩隻)
熱焫焫上枱既蟹粉🦀小籠包，每個都充滿湯汁，亦帶有蟹粉既鮮味，皮亦夠薄。
- 高力豆沙(兩個)
唔會太甜，就算凍咗食都係輕盈鬆軟👍。
- 豆漿🥛(兩杯)
正正常常食上海嘢配返杯豆漿，無乜特別。
- 虎皮素鵝 $55本身無為意套餐入面既五小碟已經有，所以再叫多咗碟🤪。
- 花雕醉雞 $66呢個有啲失望🥲🥲，雞肉無雞味之餘✖，酒味亦都滲唔到入雞肉入面✖，變相雞肉同花雕汁同床異夢咁。
- 水煮魚🐟(加辣) $108對一般人嚟講，辣味🌶足夠而又唔會死辣，入口會越食越辣，但又越想食落去。魚肉嫩滑，但碟底既大豆芽先係最精彩，本身爽脆又吸收晒湯汁既味道，多多都唔夠食呀😋😋😋！
- 炸饅頭(跟煉奶)(6個) $28炸得外脆內軟，趁熱點煉奶食，又豈有唔好食之處😌？
- 鮮肉小籠包(4隻) $38呢個小籠包湯汁都算多，但皮就比蟹粉小籠包厚🤨，不過不失咁。
- 夏伯伯酸梅湯 $15
酸度夠而又夠味，唔會好淡咁。
- 青島啤酒🍺 $26
Post
