夏麵館 (始創中心)

Open Now

Now Closed

夏麵館-滬式滋味有時食得西餐多都想轉下口味食返餐中菜，黎到始創中心被夏麵館既門面吸引住，可能岩岩裝修完，全店都好摩登。一坐低服務員就奉上一壼熱茶🐻雞絲粉皮 $52粉皮晶瑩通透，爽口彈牙，配上青瓜絲同雞絲，再加上香濃既芝麻醬，開胃之餘亦係消暑佳品。🐻XO醬炒年糕 $68未上枱已經聞到香味，用上大量XO醬、生抽同辣醬炒年糕，每一塊年糕同配料都沾滿醬，入口微辣，年糕煙韌，但不失惹味。🐻鮮肉小籠包 $38小籠包皮薄肉嫩多汁，筷子輕輕一夾都冇穿，食之前點埋醋同加兩條薑絲，口感即時大增，食既時候真係要小心，因為真係好多汁。🐻醃篤鮮 $75上海第一名湯，用上冬笋、腩肉、咸肉同百頁結慢火熬，乳白色既湯頭，入口非常鮮味，百頁結豆味濃郁，同時亦好索味，冬笋非常爽脆，看似簡單既湯，其實係一道繁複既功夫湯。🐻豆沙鍋餅 $36即叫即炸既豆沙鍋餅，薄薄既餅皮，熱辣辣又脆口，內裡滿滿豆沙蓉，味道唔會太甜，絕對係一個唔錯既飯後甜點。