ARGO

Open Now

Now Closed

終於等到四季酒店餐廳Argo裝修後重開，絕對唔可以錯過呢間，既能打卡、又能品嚐美食的靚靚餐廳！新裝修用左淺藍主調配搭金色既點綴，高貴又唔會好老套，連中間位置個個酒櫃既設計都別出心裁。前菜試左芒果明太子醬八爪魚冷盤，醬汁既清新又帶有明太子既咸香。凍肉除左有少見既風乾牛肉，仲有24個月既Iberico ham，比起一般酒店多選擇，而且凍肉處理得好，保持到油脂唔會到乾柴。當日仲有廚師即煎牛柳，肉嫩多汁，食完仲想要再encore多幾次🤤甜品係四季酒店既強項之一。紫蘇mousse伴糖漬菠蘿，一層好薄既透明皮包著甜度適中既mousse，連菠蘿粒一齊吃，甜酸度平衡得相當好，係超有驚喜既一款甜品。酒店方面亦送上一款特別甜品，用雪到變成冰菓狀態既生果，加上朱古力同莓醬，夾埋雪糕一齊吃，正啊！四季酒店Argo由服務到食物都水準以上，果然冇令人失望。可惜勁難訂位，一般未來90日既預約都爆晒，下次唔知要等到幾時先再有機會黎食呢。