上海婆婆 (新都城中心) (Closed)

又到左晚上買外賣嘅時間，今晚我哋揀咗喺上海婆婆買外賣。買咗一個上海名菜炒鱔糊，攞到返屋企雖然唔夠熱，但醬汁香口，不過鱔的份量比較少，老公笑說是不是炒芽菜。另外再買多一個黃金炒飯，所謂黃金炒飯，其實即係鹹蛋炒飯，食得出有鹹蛋黃嘅香味。而且黃金炒飯炒出嚟飯粒好爽身，粒粒分明，而且加上鹹蛋黃嘅鹹香味真係令人食完再食。不過炒飯都冇乜其他配料，如果多啲材料會正啲。總體來說如果佢每碟份量加大一啲，就性價比比較高。