鴻星中菜 (羅氏商業廣場) (Closed)

喺疫情環境之下，真係唔想出街食飯，叫外賣就係最好嘅選擇，喺網上外賣平台個apps睇吓附近有咩好食，估唔到原來鴻星都有做外賣，見到有2人套餐，於是就落單叫網上外賣平台送過黎。套餐都幾豐富，有燒味、有2個小菜同2個白飯。脆皮燒腩仔，雖然係外賣，但係個皮真係仲好脆，5層肉嘅燒腩仔，一d都唔肥，肉質唔鞋，唔會太咸，幾好食。竹笙野菌浸魚腐，竹笙份量都唔少，仲要好厚身，吸收晒湯嘅精華，好好味，魚腐都煙韌有咬口，除咁野菌仲有西蘭花，呢個餸非常健康，一d都唔油膩。洋蔥煎牛柳，牛柳係厚切，食落唔韌仲好淋，好juice,個醬汁有少少辣辣地，都幾惹味。