鴻星中菜 (羅氏商業廣場) (Closed)

疫情下，不少食肆生意大減，要推出外賣優惠增加收入，一向是優質中菜代表的鴻星也不例外。這外賣優惠中，其中一項是家人最愛的燒鵝皇， $108就有半隻，光看價錢就已十分吸引，加上一向對鴻星的食品有信心，所以就買了半隻回家。可能因為始終是外賣，燒鵝放在盒子中，回到家裏皮已不脆，不過一打開盒蓋，仍聞到燒鵝的香氣，令人垂涎。這燒鵝肉質嫩滑，味道很好，最重要的是脂肪不多。有的食店的燒鵝在皮和肉之間有厚厚的一層脂肪，十分油膩，這燒鵝則完全沒這問題。我是下午5:30先打電話預訂的，說6:30會到達。6:30到達時，燒鵝已包裝好，付錢取鵝就可以離開，不用等候，不錯。

睇到广告大闸蟹特惠套餐，约了咗朋友出嚟食午餐，结果大闸蟹食得出死咗好耐，D肉都係霉嘅，非常失望！！其它点心一般般，無乜特别，只此一次，唔会再去，同以前水準相差好远。

雖然限聚令仍未放寬，但見本地零新增感染個案，一於約齊好姊妹去晚飯。特價餐有唔同組合，我們見龍蝦餐的菜式豐富，4人都不過是$788， 加埋一都唔駛$1000，值得一試。龍蝦先上，不算大隻，即是肉不多。但它用𧐢油及其他調味料，炒得很入味。加上龍蝦肉的彈牙質感，好鮮味。龍蝦殻及露荀都沾滿醬汁，好味到想連殼都食埋。😋😋😋第二個菜是XO醬爆金姿，即墨魚片。墨魚片很彈牙，有墨魚的口感，配以翡翠瓜及彩椒，感覺健康。呢個菜味道唔錯，只是略嫌咸了一些。跟著是花膠濃雞湯，呢個湯一上枱已見其功力，稀稠度剛好。飲落唔咸，有濃郁的雞味，又有大大件的花膠，清甜可口，完全超值。最難得是飲完唔口渴，即味精唔重。👍🏻👍🏻👍🏻醬燒琵琶鴨是同樣地好味，皮脆肉厚，無乜肥膏，有鴨肉獨特的香味。牠一D都唔乾身，肉質嫩滑Juicy，一流！😋😋😋蔥油蒸海花班，時間啱啱好，啖啖肉，豉油調較過，很鮮味！😃😃😃章魚雞粒飯材料足，也炒得好味。由於有很多東菇及芥蘭頭，感覺健康。本來已很飽兼對紅棗糕無乜興趣，諗住試少少便算。點知呢個糕暖暖地，好濃紅棗味，又唔甜，實在太好味，結果成個食晒。👍🏻👍🏻👍🏻這個套餐，絕對超值。

昨晚好朋友請食飯， 我們到了荔枝角長沙灣道的鴻星中菜， 坐低不久朋友發板點了幾款菜式， 每一款味道都有水準，最欣賞蟲草花響螺燉湯， 清清地帶鮮味， 湯料又足。 燻蹄海蜇爽口好味， 蒸魚時間控制得剛剛好， 每一啖都好滑溜。 蝦球翠玉瓜的蝦球爽口大粒， 另外炒蟹， 生菜煲和雞都唔錯。香港有很多中菜館， 要搵一間食物質素好， 都不會太難， 但鴻星的服務質素真是一百分， 每一位店員都親切友善， 抵讚。👍🏻鴻星中菜地址: 荔枝角長沙灣道788號羅氏商業廣場地下

其實自己好少叫外賣，但最近真係唔想出街，大家都明白咩事，亦希望疫情可以快點受控😅今晚兩個人叫左鴻星中菜外賣，經速遞送到，可以足不出戶就送到屋企，香港人確實幸福😍我計過，由落單到送貨員抵達，大概45分鐘左右，比我預期快，而且包裝企理，有獨立儲存盒分別載上各款食物，白飯，醬汁等等👍🏻打開之後，亦保持到溫度，香噴噴，感覺好幸福😍估唔到連燒腩肉都保持到皮脆肉嫰，份量亦不少，肉汁豐富😍滑蛋蝦仁，蛋香味濃，鮮蝦爽口彈牙，正👍🏻竹笙野菌浸魚腐，濕濕地夠健康，計落送到上門，慳返唔少時間功夫，只係三百多元，不錯的選擇😍

大家都知道近來疫情嚴峻，出街食飯又驚受感染，為咗自身安全又想食中餐，究竟點好呢？好彩我用網上外賣平台戶戶送，見到荔枝角「鴻星中菜」有一個二人$328套餐有四款食物，我就選了1. 脆皮燒肉 2. 洋蔥煎牛柳 3. 竹笙野菌浸魚腐 4. 白飯2盒。等了大約30分鐘，戶戶送職員就將美食送到，食物還是熱的很不錯，不用出外還能吃到心水美食，簡直爽丫丫。「脆皮燒肉 」豬皮夠脆，燒肉一層肥一層瘦肉，份量十足。「洋蔥煎牛柳」牛柳大大件微辣，肉質彈牙，不會太鞋口，亦吃到有洋蔥香。 「竹笙野菌浸魚腐 」竹笙爽甜，野菌亦脆口，魚腐浸透了魚湯，很滋味。

喺疫情環境之下，真係唔想出街食飯，叫外賣就係最好嘅選擇，喺網上外賣平台個apps睇吓附近有咩好食，估唔到原來鴻星都有做外賣，見到有2人套餐，於是就落單叫網上外賣平台送過黎。套餐都幾豐富，有燒味、有2個小菜同2個白飯。脆皮燒腩仔，雖然係外賣，但係個皮真係仲好脆，5層肉嘅燒腩仔，一d都唔肥，肉質唔鞋，唔會太咸，幾好食。竹笙野菌浸魚腐，竹笙份量都唔少，仲要好厚身，吸收晒湯嘅精華，好好味，魚腐都煙韌有咬口，除咁野菌仲有西蘭花，呢個餸非常健康，一d都唔油膩。洋蔥煎牛柳，牛柳係厚切，食落唔韌仲好淋，好juice,個醬汁有少少辣辣地，都幾惹味。

食物質素：⭐️⭐️⭐️⭐️⭐️餐廳環境：⭐️⭐️⭐️⭐️服務態度：⭐️⭐️⭐️⭐️⭐️性價比：⭐️⭐️⭐️⭐️年廿七約埋屋企人食團年飯，揀咗荔枝角鴻星。竟然冇加價，5000多元仲可以包廳。打完麻雀跟住上菜。鮑有好事發財卷有啲睇頭！除咗一般嘅鮑魚片、蠔屎、生菜，仲有鯪魚球髮菜卷同燒肉！另外，酒釀脆皮鴨有淡淡的桂花酒香味。港式糯米飯用荷葉墊底蒸籠上，裏面除咗臘腸、潤腸，仲有臘肉同臘鴨，非常夠料！最後少不了燉湯—原盅雞燉海參。原盅隔水蒸，又甜又有鮮味，再加上甜品，畫上一個完美句號！

一家人過黎飲茶，其實侍應態度好差，後尾對單發現漏左芒果布甸冇黎到，叫職員拎辣椒油，兩次都無理我。炸雲呑唔係間間酒樓都有，個酸汁好好味。和牛炒飯炒得好乾身，好味。春卷正常，新鮮炸起。蟹粉小籠包，好大隻，好多湯汁爆出黎。擂沙湯丸又係好耐無食過，好懷舊經典，個皮幾好，好中意黃豆粉。蓮蓉西米布甸，少甜，蓮蓉好香，都係新鮮焗起。臘腸卷細細條，唔會太飽太膩，都係懷舊食品。咸水角炸得有d硬。叉燒酥太大件，搞到焗得唔好脆。點心第一次出嚟爛爛蓉蓉，後尾換第二籠出黎先好d。沙拉蝦，隻蝦都好食既。

第一次食大閘蟹，可能係季尾，比我想像中失望，但鴻星呢個大閘蟹套餐，包你夠飽。。又唔會趕你走，酒樓有酒樓的好。如果有朋友不吃蟹，又可以叫少個套餐，加其他食物，唔洗擔心話一定要每位都叫套餐。

，又嚟都食蟹嘅季節，今次我哋同幾個朋友一齊嚟咗鴻星中菜呢度食蟹餐，而家呢做緊388一位食兩王一后嘅蟹餐。我哋幾個人呢食嗌咗勁多隻蟹，啲肉都好甜同好多膏，而且跟餐仲有其他餸跟埋， 有糯米飯 ， 蟹粉小籠包， 仲送埋花雕酒，，不過其實都唔係好夠飽， 所以我地都有叫其他菜式，但主餐牌有75折，要用銀聯卡，所以都幾抵。當晚人比較多，要耐心等候服務 同上菜。 不過喺酒樓食嘢佢唔會趕你走，所以可以盡情同朋友傾計飲飲食食。。埋單都係一人二百幾三百蚊 ，整體都好好。

因為有朋友未食過大閘蟹 ，但係我哋又懶得整 所以呢咗鴻食大閘蟹套餐， 我哋叫咗每位$388嗰個兩皇一后大閘蟹套餐，包括3隻大閘蟹、1個燒肉拼盤、 蟹粉小籠包、豆腐羹 、荷葉糯米飯及甜品。 其實呢個價錢出街食都唔係算好貴可以接受， 但唔知係咪因為就嚟12月臨近水尾，啲大閘蟹都唔係話太多膏，無爆出來， 不過職員都好細心咁問我哋使唔使分開兩次上啲大閘蟹，因為食1隻都好晒時間，好快會凍晒!! 最特別係飲品方便可以揀花雕酒定係果汁， 我梗係即刻揀花雕就試試佢啦，都唔錯， 其他食物就一般般啦。不過平日原來都好多人，坐爆曬成個場。

老婆想食大閘蟹就搵咗鴻星大閘蟹宴 呢個大閘蟹宴每人三隻蟹兩公一乸接著還有其他東西食大閘蟹不是太大隻，正正常常你可以飲陳年花雕或者橙汁陳年花雕估唔到幾好飲，但只有一杯跟住有個炸豆腐加叉燒，正正常常嘢跟住有個小籠包， 又係正正常常嘢每人有大概兩粒帶子再加一隻鮑魚，是罐頭鮑跟住啲菜係露筍嚟嘅每人有一碗鬆啲嘅翅，正正常常啦都係正常嘅糯米飯正常紅棗糕成餐就喺個正正常常嘅環境，食味，服務下結束講真呢度收得四百幾蚊位我唔認為我食緊四百幾蚊嘅嘢大閘蟹其實並唔係一啲天咁貴嘅嘢不過只係呢度環境服務各樣令到呢個需要收四百幾你問我蟹食得唔夠過癮其他餸又每樣得一粒半粒 最終基本上離開我係唔夠飽嘅 千八蚊四個人唔夠飽其實幾次都幾奇怪 你畀我如果唔係老婆話要黎我就真係唔會嚟喇我對佢冇特別投訴但係如果花四百幾蚊又食唔飽咁我就覺得有啲唔抵

好耐冇去鴻星tea,今天去荔枝角shopping ，順便去tea下，想不到比之前差那麼多，.一進去經過走廊，見到走廊放左好多食物，炸物，凍食等.人來人往就這樣放著，冇用保鮮膜包住，感覺不衞生.本來很想食、見到這樣都不敢order 了.跟住坐底冇侍應開茶，要叫人才會理你.一來：因爲侍應態度差. 二來，剛剛經過見到食物情况已經影響食慾. 我們二人隨意點了二款點心＋和牛炒飯，食一陣便離開.侍應態度令人討厭，以後不會再去

今日俾公司叫咗去食公司飯咁就去咗呢間鴻星度食呢間野啲質素都幾好個乳豬炸得幾好個皮都幾脆幾好食，隻蟹鉗好多肉然之後就係魚翅湯淡淡都係翅好足料，但係我覺得嗰個蘑菇炒伊面就一般，然後調班蒸得啱啱好所以唔會太老。基本上係呢間食都唔會有中伏位不過不失價錢合理