立鮨 (金馬倫廣場)

Open Now

Now Closed

自從限聚就好難出街食飯，都多左叫外賣，但叫外賣也需要儀式感，攞得靚靚咁食壽司先有feel架麻。聽朋友講立鮨外賣有8折，就即刻搵日去買，慳返啲排隊時間😎好耐無食日本野，所以今次叫得都豪爽少少！今日叫左幾件佢既特別推介，值得一提既有:牡丹蝦配燒蝦膏壽司，本身細綿帶爽的口感，配上燒過既蝦膏，即刻將個口味提升左個層次。蝦爽膏濃，同時微微燒過之後，就好似俾蝦味衝擊咁，好爽！三文魚籽軍艦，應該有用柚子醬油漬浸過，除左本身既三文魚子脆卜卜既咸香外，仲有淡淡柚子既清香，濃而不膩。好食新鮮既三文魚籽真係好正。火炙左口魚邊壽司，我諗係次次有都必嗌！燒過既左口魚邊，將魚油迫哂出黎，咬落去即刻溶哂，d油香充斥成個口到，鬲入埋醋飯到真係Perfect.另外都叫左必點既中拖大拖，仲試左呑拿魚腦天，全部都好肥美，係比預期中好既味道😇立鮨平時都好多人排隊捧場，入到去都仲要企係到，叫外賣屋企食都係一個唔錯選擇！