Chotto Maki (廈門街) (Closed)

灣仔有好多唔同類型嘅食肆，做完嘢經過Chotto Maki去買啲外賣返屋企做晚餐。Chick Chick $68 大飯卷揀咗 Chick Chick， 有4大件。呢個卷有多種口感，幾特別。大大嚿照燒雞咬落厚肉唔嚡，加埋牛油果同沙律菜味道香滑清新，食落仲有啲開胃嘅酸黃瓜，芋頭片同飛魚子就脆卜卜咁，配搭辣蛋黃醬同黑松露蛋黃醬少少辣少少惹味。Philadelphia Roll $75 另外想試多款飯卷，所以揀咗Philadelphia Roll中卷，有8件。三文魚同忌廉芝士好夾，兩種食材起到化學作用，仲食到有蛋黃醬、鰻魚汁，配埋牛油果同飛魚子多咗一份又滑又脆嘅滋味。 我仲試埋呢度嘅傳統壽司，叫咗帶子壽司 $33 同 三文魚壽司 $24，每款有兩件，用料都好新鮮。