卡邦尼餐廳

Open Now

Now Closed

想講因為之前好多次食完就已經要做嘢太倉猝，所以冇影到相，但係佢嘅嘢食真係好好食！我本身係叫佢個蒜香炒雜菌意粉，然後再叫菠菜白汁鴨胸意粉，每一樣嘢都係水準之作。咁點解我會叫咗呢間嘢10幾次呢？有幾個原因嘅第一就係佢嘅嘢食好食；第二樣嘢就係佢份量夠，我細佬話堂食嘅份量會更加多，我真係想像唔到一個人點可以食到咁多嘢第三樣嘢就係佢出餐時間非常快，呢個對lunch time食飯時間唔多嘅人嚟講係好重要嘅嘢，因為好多時你等得太耐嘅話，食飯時間得返10分鐘實在太陰公。所以點解我會叫咗咁多次，就係因為上述幾個原因。基本上佢除咗外賣menu嘢食選項可能唔夠多之外，其他嘢都完全冇問題。