Video
Read full review
2024-04-19
36 views
今日同朋友去中央圖書館睇書，到食飯嘅時候，諗住行返去銅鑼灣食飯，當由中央圖書館行過馬路時，發現有一間食店專食東南亞菜，有印尼、馬來西亞、泰國多款唔同菜式，價錢唔貴喎，這間食店叫南洋家，位於銅鑼灣摩頓臺13-33號灣景樓地下6號舖，中央圖書館對面，這間店舖嘅餸菜好抵食，主要係特色嘅印尼食品，而且款式好多，所以好吸引我來食。食店門口個食物櫃好吸引，擺滿種種東南亞食物，仲有甜品同飲品，真係樣樣都想食，還有大大包好吸引嘅蝦片，價錢又唔貴，即刻買返屋企食先。餐牌非常多選擇，尤其是主要嘅東南亞特色餸菜為主，是任揀任配搭，餸菜及甜品糖水，二盒餸菜就$70，三盒餸菜就$100，而餸菜都有30樣餸菜可選，肉類有魚、豬、牛、雞、魷魚、蝦等，味道亦有辣有唔辣，而甜品亦好多款式，有千層糕、黃金糕、雪芳蛋糕、西米糕、糯米糍、西米糍，而味道有香芒、雜錦、斑斕、紅豆、椰汁，真係好豐富，亦令我揀咗好耐，我原本想選鮮蝦柚子沙律、青瓜拍海蜇、鹽焗雞腎，可惜已俾人買晒，呢度啲餸菜都真係好賣。最後我就選咗滷水豬大腸、泰式燒豬頸肉、越南鮮蝦米子卷，我朋友就揀咗香濃咖喱牛腩、泰式香葉肉碎、滷水牛展，我哋原本都諗住一人叫三樣餸菜，
餐牌非常多選擇，尤其是主要嘅東南亞特色餸菜為主，是任揀任配搭，餸菜及甜品糖水，二盒餸菜就$70，三盒餸菜就$100，而餸菜都有30樣餸菜可選，肉類有魚、豬、牛、雞、魷魚、蝦等，味道亦有辣有唔辣，而甜品亦好多款式，有千層糕、黃金糕、雪芳蛋糕、西米糕、糯米糍、西米糍，而味道有香芒、雜錦、斑斕、紅豆、椰汁，真係好豐富，亦令我揀咗好耐，我原本想選鮮蝦柚子沙律、青瓜拍海蜇、鹽焗雞腎，可惜已俾人買晒，呢度啲餸菜都真係好賣。
最後我就選咗滷水豬大腸、泰式燒豬頸肉、越南鮮蝦米子卷，我朋友就揀咗香濃咖喱牛腩、泰式香葉肉碎、滷水牛展，我哋原本都諗住一人叫三樣餸菜，但係啲餸菜價錢唔貴，冇理由食得咁少，我哋再叫辣啲嘅餸菜，點咗印尼式香辣鹹魷魚同口水雞，最終叫埋甜品班蘭味嘅千層糕。
滷水豬大腸唔辣，滷水汁好入味，又不會太咸，味道啱啱好，豬大腸肉好爽口，真係令我不停咁食。泰式燒豬頸肉，份量真係不少，全部豬頸肉都係大大塊，油份適中，非常有咬口，連埋蔥油汁食，非常合味，另外再包埋個生菜來食，就更加惹味。越南鮮蝦米子卷有三條，非常足料，個米子皮包住了米粉、鮮蝦、生菜、薄荷葉，鮮蝦大大隻，食落爽口新鮮，配埋酸辣汁一齊食，只有小小辣，好味。
香濃咖喱牛腩亦都唔辣，有濃郁的咖喱味道和香氣，牛腩帶有爽滑外皮及筋膜，口感煙韌富嚼勁，咖喱汁加入大量椰奶，濃郁美味，薯仔拌上咖哩汁亦十分好吃。泰式香葉肉碎配上生菜，份量都不少，肉碎新鮮有彈性加埋薄荷葉、芫茜、辣椒及豆角，味道充足，吃得很滋味。鹵水牛展就鹵水味道好香濃，牛展淋香又有咬口但冇韌，好正。
印尼式香辣鹹魷魚香辣好滋味，辣醬汁好正宗，唔算太辣，魷魚同青瓜都爽口，食得令人開胃。口水雞亦都只係微辣，雞肉嫩滑有雞味，而雞皮滑嘟嘟，份量唔少，令人食指大動。甜品嘅班蘭千層糕，煙韌彈牙又香甜，好有班蘭香味，好食。
南洋家值得推薦比大家，食得好滋味，又好抵食，價錢又唔貴，每道餸菜都好好味，令人好滿意。
Post
