燒烤工坊 (Closed)

間中都會想食串燒，但係一個人總係好難可以叫到嘢食咁，尤其是要喺街度食，就更加難。最近發現呢間串燒店原來買外賣都唔錯，一個人食都冇問題。呢間燒烤工房除咗可以食串燒之外，仲有海鮮粉可以食。秘製海鮮粉絲可以揀麻辣或者蒜蓉味，每款$58 ，選擇三款海鮮，我就揀咗青口、海蝦、花甲呢三款。外賣嘅時候店員會將粉絲同埋海鮮湯分開擺，咁就唔驚返到屋企啲粉絲索晒啲湯。另外我都揀咗一啲串燒，安格斯牛柳粒嘅味道唔錯，肉質唔會太韌。另外豬頸肉都好抵食， $13一串。呢間店舖嘅位置其實並唔係喺旺角，而係比較接近佐敦，喺廟街附近，所以想去食嘅朋友就記住要去佐敦啦！