新記煲仔雞粥 (Closed)

上次堂食完覺得好好食，專登叫老公去拎外賣，提提大家openrice 外賣自取功能仲有折扣，仲平過就咁打去嗌外賣，好方便！外賣返屋企，溫度仲好熱，個粥一如既往好味，醃得入味，份量又多，2個人share就岩岩好～如果一個人食個碗就會飽晒唔洗試其他野，所以我覺得同人share最好，想讚下個粥既溫度保持得好好，果然係最受歡迎既食品。炸魷魚酥拎返屋企，都仲係熱嘅，不過脆度就差少少。上次都講過希望可以用大條少少嘅魷魚去炸，口感會最好啲，細細條我嫌唔夠正，不過都已經好好食啦！炒米粉，我就覺得有啲伏，好濕又無味，料又唔夠多，係有少少失望嘅，嚟新記雞粥，真係食返雞粥就一定最好味，最正。另外仲叫左個海蜇雞絲，味道都唔錯，入味，而且用來「餸粥」就好好味，推介。