口麻天辣

Open Now

Now Closed

今次去咗深水埗嘅「口麻天辣」，真係一個麻辣控嘅天堂！一入到去就俾佢哋嘅粉紅色裝修吸引住，感覺好似去咗打卡Cafe咁，但其實係食麻辣，真係好有反差萌。天花頂酸菜魚（免辣）魚肉好滑，完全冇腥味，入面有大量酸菜，配埋白飯食真係一流。雖然我哋揀咗免辣，但味道依然好豐富，酸菜嘅酸味同魚肉嘅鮮甜完美結合！噴火水煮牛肉（少辣）呢個水煮牛肉真係好正，牛肉好嫩滑，少辣勁啱我口味！最鍾意佢有麻麻地嘅感覺。底下仲有芽菜同粗薯粉，吸晒啲汁，真係好味到爆。麻辣牛𦟌 麻辣控嘅最愛！牛𦟌肉切得好細嫩，每一口都充滿辣味嘅刺激，真係停唔到口。麻辣藕丁 藕丁好脆，真係超級好食！！涼拌萵荀絲 萵荀絲切得好幼，好爽口，味道比較濃味。香炸脆奶 當甜品咁食！外層炸好脆，入面嘅奶好滑好甜呀，仲要就算拎到返屋企都冇淋到！手打檸檬茶 真係好清新，檸檬味好濃，茶底亦都好香。沙棘汁不嬲都知沙棘汁係抗癌嘅，見到呢度有就即刻點咗杯嚟飲！呢個果汁酸酸地，好有特色，飲落仲好解渴！