Video
Read full review
2021-06-26
203 views
第一次食評就獻咗畀佢，要食嘅就自己考慮下食唔食啦，本身都諗住私下解決，點知餐廳將個責任推哂畀foodpanda，咁我都如實同大家講返個情況。今日我同朋友兩個人經foodpanda嗌咗個鰻魚帶子飯同埋三文魚帶子飯，嚟到鰻魚飯少咗帶子都算，已即時向foodpanda投訴送咗優惠卷。跟住食完後兩個鐘我哋兩個都keep住有少少腸胃不適，我朋友最後連續嘔咗四五次再痾水痾咗一次有脫水情況，我就嘔咗一次嘔返成個飯出嚟再keep住胃痛，即刻懷疑佢食物唔新鮮可能有菌消化唔到，所以call白車入院睇醫生。之後立即先向foodpanda投訴，再向佢哋反映，佢哋查咗兩個鐘查完話我知佢哋收order後8分鐘已整好，車手2分鐘後到達拎餐，再8分鐘後送到畀我哋，佢哋係cctv睇到foodpanda個車手冇將外賣放入保溫箱，然後send埋條片畀我睇，話懷疑係電單車熱力導致魚生變壞，所以令我哋唔舒服。我問佢有冇提醒車手係魚生唔可以放咁耐，佢話佢冇需要咁做，佢哋亦講明認為係foodpanda車手問題，佢哋冇責任亦冇問題亦唔會有咩補償，仲話全日得我哋有問題所以佢哋更加冇任何責任，已經好努力幫我哋找出問題喎。我就對佢哋好失望
今日我同朋友兩個人經foodpanda嗌咗個鰻魚帶子飯同埋三文魚帶子飯，嚟到鰻魚飯少咗帶子都算，已即時向foodpanda投訴送咗優惠卷。
跟住食完後兩個鐘我哋兩個都keep住有少少腸胃不適，我朋友最後連續嘔咗四五次再痾水痾咗一次有脫水情況，我就嘔咗一次嘔返成個飯出嚟再keep住胃痛，即刻懷疑佢食物唔新鮮可能有菌消化唔到，所以call白車入院睇醫生。之後立即先向foodpanda投訴，再向佢哋反映，佢哋查咗兩個鐘查完話我知佢哋收order後8分鐘已整好，車手2分鐘後到達拎餐，再8分鐘後送到畀我哋，佢哋係cctv睇到foodpanda個車手冇將外賣放入保溫箱，然後send埋條片畀我睇，話懷疑係電單車熱力導致魚生變壞，所以令我哋唔舒服。
我問佢有冇提醒車手係魚生唔可以放咁耐，佢話佢冇需要咁做，佢哋亦講明認為係foodpanda車手問題，佢哋冇責任亦冇問題亦唔會有咩補償，仲話全日得我哋有問題所以佢哋更加冇任何責任，已經好努力幫我哋找出問題喎。我就對佢哋好失望，回應及處理手法亦都太差啦，食物質素都存疑。
我哋睇兩個醫生都已經講哂畀醫生知成個情況，佢哋都話兩個鐘就有反應未必關車手個8分鐘事，可能係食物有隔夜已有菌，不過點講餐廳都唔覺得係自己問題㗎啦。總之經醫院已畀排泄物化驗報食物中毒，亦會自行報埋食環。
可能真係我唔好彩啦，咁啱揀著間咁嘅餐廳同派著個咁嘅車手，所以最後我要為自己咁唔好彩而負責啦。我就建議大家無論外賣定堂食都考慮清楚啦，廢事你都一個唔好彩食完有咩問題淨係收到句sorry啊就算啦😖
Post
